حەمید هیراد گۆرانیبێژ و ئاوازدانەری بەناوبانگی ئێرانی، بەهۆی نەخۆشی شێرپەنجەوە کۆچی دوایی کرد.
حەمید حوسێن زادە، ناسراو بە "حەمید هیراد"، لە 1ـی شوباتی 1991 لە گوندێکی سەر بە پارێزگای گێڵان لە باکووری ئێران لەدایکبووە, حەمید لە تەمەنی منداڵییەوە خولیای مۆسیقای هەبووە و لە تەمەنی 15 ساڵییەوە دەستی بە فێربوونی مۆسیقا و نووسینی شیعر کردووە. 
لە ساڵی 2020ـدا حەمید هیراد توشی نەخۆشی شێرپەنجەی خوێن بوو، سەرەڕای سەختی نەخۆشییەکەی و وەرگرتنی چارەسەری کیمیایی، هیراد دەستی لە هونەر هەڵنەگرت و بەردەوام بوو لە بڵاوکردنەوەی گۆرانی و ئەنجامدانی کۆنسێرتەکانی.
دواجار، حەمید هیراد ئەمڕۆ پاش ململانێیەکی زۆر لەگەڵ نەخۆشییەکەی لە تەمەنی 34 ساڵیدا کۆچی دوایی کرد.

حەمید هیراد کۆچی دوایی کرد

سەکۆی ستریمینگی ئەمەزۆن پڕایم بە هاوکاری ستۆدیۆکانی پلەیستەیشن، یەکەم تایلەری فەرمی زنجیرەی (God Of War)یان بڵاوکردەوە، کە بڕیارە لە کۆتایی ئەم ساڵدا نمایش بکرێت، ئەم زنجیرەیە کە لەسەر بنەمای یارییە ڤیدیۆییە بەناوبانگەکە بەرهەم هێندراوە، لە ئێستاوە بووەتە باسی گەرمی میدیاکانی هۆڵیود و هەوادارانی سینەما.
 بەپێی زانیارییە بڵاوکراوەکان، زنجیرەکە باس لە قۆناغی ژیانی کرەیتۆس دەکات لەناو ئەفسانە نۆرسەکاندا، و تیشک دەخاتە سەر پەیوەندییە ئاڵۆزەکەی لەگەڵ کوڕەکەی(ئەتریۆس)، ئەوەی جێگەی سەرنجی ڕەخنەگرانی هونەرییە، بەکارهێنانی تەکنەلۆژیایەکی نوێی وێنەگرتنە کە هاوشێوەی یارییەکە، هەستی یەک گرتە بە بینەر دەبەخشێت، ئەمەش وەک داهێنانێکی نوێ لە جیهانی زنجیرە تەلەفزیۆنییەکاندا دەبینرێت.

هەڵبژاردنی ئەکتەری سەرەکی بۆ ڕۆڵی کرەیتۆس، یەکێک بوو لە قورسترین بڕیارەکانی هۆڵیود، کە دواجار ئەکتەرێکی خاوەن ئەزموون کە توانایەکی جەستەیی و دەنگیی قووڵی هەیە بۆ بەرجەستەکردنی ئەو کارەکتەرە ئەفسانەییە دەستنیشان کرا، دەرهێنەری زنجیرەکە لە لێدوانێکدا گووتی "ئێمە نامانەوێت تەنها یارییەکە دووبارە بکەینەوە، بەڵکو دەمانەوێت قووڵاییەکی مرۆیی و دەروونی زیاتر بە چیرۆکی ئەو باوک و کوڕە بدەین لە جیهانێکی پڕ لە خوداوەند و دێوەزمەدان".

بودجەی تەرخانکراو بۆ ئەم پڕۆژەیە بە یەکێک لە گەورەترین بودجەکان لە مێژووی زنجیرە دراماکاندا دادەنرێت، کە تەنها بۆ دروستکردنی جیهانە ئەفسانەییەکان و کاریگەرییە بینراوەکان، زیاتر لە 200 ملیۆن دۆلار خەرج کراوە، ئەمە نیشانەی ئەوەیە کە هۆڵیود لە ئێستادا گرنگییەکی زۆر بە چیرۆکی یارییە ڤیدیۆییەکان دەدات و وەک سەرچاوەیەکی دەوڵەمەندی هونەری سەیریان دەکات. 

هەوادارانی (God Of War) لە سەرانسەری جیهاندا بە پەرۆشەوە چاوەڕێی ساتەوەختی پەخشکردنی یەکەم ئەڵقە دەکەن، چونکە ئەم بەرهەمە دەبێتە تاقیکردنەوەیەکی گەورە بۆ ئەوەی بزانرێت ئایا سینەما دەتوانێت هەمان ئەو هەست و جۆش و خرۆشە بگوازێتەوە کە یاریزانەکان لە کاتی یارییەکەدا هەستی پێ دەکەن.

گەڕانەوەی "کرەیتۆس"گەورەترین پڕۆژەی مێژووی ئەمەزۆن و پلەیستەیشن

سزای لەسێدارەدانی بکوژی ڕەحیم زەبیحی دەرهێنەری کورد و کەیوان زەبیحی دوای 7 ساڵ، لە زیندانی ناوەندی سنەی رۆژهەڵاتی کوردستان جێبەجێکرا. تەیب زەبیحی، کوڕی کەیوان زەبیحی لەلێدوانێکدا رایگەیاند: "رۆژی یەکشەممە 31-08-2025، بکوژی کەیوان زەبیحیی باوکی و رەحیم زەبیحی مامی، لە زیندانی ناوەندی سنەی رۆژهەلاتی کوردستان لەسێدارەدرا". لەبارەی ناسنامەی تاوانبارەکە تەیب زەبیحی ئاشکرایکرد: "تاوانبار خزمێکی خۆمان بووە، ساڵی 2018 بەهۆی کێشەی داراییەوە باوکم و ماممی سوتاند و هەر بەم هۆیەشەوە گیانیان لەدەستدا، بەڵام هەر زوو تاوانەکە ئاشکرا بوو و تاوانبار دەستگیرکرا". ئاماژەی بەوەشکرد کە دوای دەرچوونی سزای لەسێدارەدان، دوێنێ سزاکەی لە زیندانی ناوەندی شاری سنەی رۆژهەلاتی کوردستان جێبەجێکرا.
 رەحیم زەبیحی یەکێکە لە دەرهێنەرە دیارەکانی کورد و لە هەرێمی كوردستان زیاتر دوای دەرهێنانی درامای کۆمیدی "ماڵەكەی مەعروف" ناسرا، كە بینەرێکی زۆری هەبوو، هەردوو ئەکتەر ماهیر حەسەن و ئەحمەد جۆڵا رۆڵی سەرەکییان لە دراماکەدا بینیوە.
لە هەرێمی كوردستان رەحیمی زەبیحی زیاتر دوای دەرهێنانی درامای کۆمیدی "ماڵەكەی مەعروف" ناسرا، كە بینەرێکی زۆری هەبوو لە هەرێمی کوردستان، هەردوو ئەکتەری کۆمیدی ماهیر حەسەن و ئەحمەد جۆڵا رۆڵی سەرەکییان لە درامەکەدا بینیوەلە هەرێمی كوردستان رەحیمی زەبیحی زیاتر دوای دەرهێنانی درامای کۆمیدی "ماڵەكەی مەعروف" ناسرا، كە بینەرێکی زۆری هەبوو لە هەرێمی کوردستان، هەردوو ئەکتەری کۆمیدی ماهیر حەسەن و ئەحمەد جۆڵا رۆڵی سەرەکییان لە درامەکەدا بینیوە

بکوژی دەرهێنەری ماڵەکەی مەعروف لەسێدارەدرا

شانۆیی سێ چیرۆکی خێرای مردنمان لە هۆڵی کۆمەڵەی هونەرە جوانەکان نمایشدەکرێت. بڕیارە رۆژی چوارشەممەی داهاتوو، 20ی ئابی 2025، شانۆیی سێ چیرۆکی خێرای مردنمان لە سلێمانی لە هۆڵی کۆمەڵەی هونەرە جوانەکان نمایشدەکرێت. شانۆییەکە نووسینی پیێرلاگەر گڤیستە و وەرگێڕانی خەبات عارفە، رێباز محەمەد جەزا کاری نووسینەوە و دەرهێنانی بۆ کردووە. شانۆییەکە لەرۆژی چوارشەممەی داهاتوو و رۆژانی دواتر کاتژمێر 5:30 خولەکی ئێوارە نمایشدەکرێت.

شانۆیی "سێ چیرۆکی خێرای مردنمان" نمایشدەکرێت

پاش هەشت ساڵ لە پرۆسەی دادگایی بەردەوام، ئەمڕۆ سێشەممە، لە بەردەم دادگای باڵای لۆس ئەنجڵسی ویلایەتە یەکگرتووەکانی ئەمریکا، هەردوو ئەستێرەی سینەمای هۆڵیوود جیابوونەوە.
ئەمڕۆ سێشەممە، بە ڕێککەوتنی نێوان هەردوولا، هەریەک لە ئەکتەران براد پیت و ئەنجڵینا جولی کۆتاییان بە پەیوەندیی نێوانیان هێنا و بەفەرمی لەبەردەم دادگای لۆس ئەنجڵس جیابوونەوە.
جێی باسە، هەردوو ئەکتەر لە ساڵی 2014 پرۆسەی هاوسەرگیرییان پێکهێناوە و خاوەنی شەش منداڵن، سێ لەو منداڵانە، منداڵی بایۆلۆجیی خۆیانە، سێ منداڵی دیکەشیان لە خانەی بێسەرپەرشتان هەڵگرتووەتەوە.

ئەنجڵینا جولی و براد پیت بەفەرمی جیابوونەوە

گۆرانیەکی جیهانی سۆشیال میدیاکانی بەتەواوەتی تەنیوە و ناوی کوردستان دەهێنێت و دەڵێت؛ عێراق بۆمبباران بکەیت لەبەر خاتری تۆ کوردستان ڕێکدەخەم.
تێكین فاكۆلی، هونەرمەندێكی ناسراوی جیهانیە بە گۆرانیە سیاسیەکانی ناوبانگی دەرکردووە، خەڵكی كەبەدۆغیایی ئەفریقایە، لەم دوایەدا گۆرانیەکی بڵاوکردووەتەوە کە 850 هونەرمەندی هێناوە بۆ ووتنەوەی.
گۆرانیەکە باس لە دابەشکردنی جیهان و ستەم نادادپەروەری بەرامبەر بە گەل و نەتەوەکان دەکات، لە بەشێکدا ناوی کوردستان دەهێنێت و دەڵێت؛ “ئەگەر هاوکاریم بکەیت لە بۆمببارانکردنی عێراق، لەبەر خاتری تۆ کوردستان ڕێکدەخەم”.
هاوکات، ئەم گۆرانیە سۆشیال میدیا و میدیا جیهانیەکانی تەنیوە بەشێوەکەی بەرچاو بڵاوبووەتەوە.
یەکێک لە ئەرکەکانی هونەر، لەپاڵ چێژ وەرگرتن و وێناکردنی دنیایەکی نمونەیی وەرگرتنی هەڵوێستە لە بەرامبەر نادادی و زوڵم و ستەمدا هاوشانە لە ناو کوردیشدا ئەم هونەرمەندانە زۆرن کە دیارترینیان لەم سەردەمەدا گروپی نانۆبێتە کە بەم دواییانە چەند بەرهەمێکی هونەرییان بۆ خەم و ئازارەکانی نەتەوەکەمان چڕیوە.
دەتوانن لەم <a href="https://youtu.be/8niHI_Q7YWE?si=Axwb855PXmvTFGHu" target="_blank">لینکەوە</a> گوێبیستی گروپی نانۆبێتە ببن..

لە گۆرانیەکی جیهانیدا ناوی کوردستان دەهێندرێت

پاش بەدواداچوون بۆ کێشەی بینەرەکانمان و وردبوونەوە لە هۆکاری کێشەکان، لەئێستادا کەناڵی قەڵەم نوێترین و باشترین سێرڤەری بەردەست خستووە بۆ بینینی دراماکان کە لە سەرجەم ئامێرەکان بەبێ گرفت کاردەکات.
سێرڤەرە نوێیەکە یەکێکە لە باشترین سێرڤەرەکان لەئێستادا و بینەرە خۆشەویستەکانمان، لە هەر ئامێرێکی وەک (تیڤی، مۆبایل، کۆمپیوتەر و لاپتۆت) بیانەوێت دەتوانن بەبێ ریکلام و هیچ کێشەیەک بینەری نوێترین فیلم و دراماکان بن لە ماڵپەڕی qallam.net .
لە ئەمشەوەوە رێکەوتی 13ـی 11ـی 2024، سێرڤەرە نوێیەکە بۆ بەشێک لە دراماکان بەردەست دەخرێت و پاشان سەرجەم دراماکانی دیکەش دەگرێتەوە، هاوکات لە ماوەیەکی نزیکیشدا، سەرجەم فیلمەکانی ماڵپەڕی قەڵەم-یش، ئەم سێرڤەرەیان بۆ زیاد دەکرێت.

قەڵەم سێرڤەرێکی بێ ریکلام دەخاتە بەردەست بینەران کە لە سەرجەم ئامێرەکان هیچ گرفتێک دروستناکات

وتەبێژی دەسەڵاتی دادی ئێران ڕایگەیاند، “سزاى 15 ساڵ زیندانى بەسەر ئەمیر تەتەلودا سەپێندرا، بەهۆی سووکایەتیکردن بە پیرۆزییەکانی ئێران و هاندانی بەدڕەوەشتیەوە بووە”.

ئەمڕۆ یەکشەممە 13-10-2024، ئەسغەر جەهانگیری، وتەبێژی دەسەڵاتی دادی ئێران سەبارەت بە سزای ئەمیر تەتەلوو ڕایگەیاند: “15 ساڵ زیندانی بە سەردا سەپێندرا، ئەوەش لەسەر بنچینەی دوو دۆسیەی تۆمارکراو لەسەری”.
 
ئاماژەی بەوەشکرد: “دۆسیەی یەکەم تایبەت بووە بە سوکایەتیکردن بە پیرۆزییەکان و 5 ساڵ زیندانیکردنی بەسەردا سەپێندراوە. دۆسیەی دووەمیش پەیوەندی بە هاندان بۆ بەدڕەوشتی بووە و 10 ساڵ زیندانی بۆ دەرکراوە”.

ئەمە لەکاتێکدایە، 06-12-2023 ئەمیر تەتەلوو لە دەروازەی سنووریی بازەرگانی ورمێوە لەلایەن تورکیاوە رادەستی حکومەتی ئێران کرایەوە.

هونەرمەندیکی ناسراوی ئێران بەهۆی “سووکایەتیکردن بە پیرۆزییەکانی” ئەو وڵاتە سزای 15 ساڵ زیندانی بەسەردا سەپێندرا

رۆژنامەیەکی تورکی بڵاویکردووەتەوە، لە ئەڵقەی نوێی زنجیرەدرامای کۆڵانەکانی پشتەوە باس لە چیرۆکی کوشتنى نارین گۆرانی تەمەن نۆ ساڵ دەکات.
رۆژنامەی حورییەتی تورکی بڵاویکردووەتەوە، بۆ وێنەگرتنى بەشێکی زنجیرەدرامای کۆڵانەکانی پشتەوە، بەتایبەت لەکاتی گەڕان و پشکنین بۆ کەسی ونبوو یان کوژراو، ئەکتەرەکان لەگەڵ تیمی پسپۆڕدا کاریان کردووە و واش بڕیارە رۆژى هەینی ئەڵقە نوێیەکەی دراماکە پەخش بکرێت کە تایبەتە بە دۆسیەی نارین گۆران.
زنجیرەى کۆڵانەکانی پشتەوە یەک لە زنجیرە بەناوبانگەکانى تورکیایە کە ساڵانێکی زۆرە وەرزەکانی بەردەوامە و لە تورکیا و وڵاتانی دەرەوە بینەرێکی زۆرى هەیە، هاوکات کەناڵی NRT2، کاری دۆبلاژی کوردیی بۆکردووە و لەئێستاشدا، شەوانە کاتژمێر 08:00 لەسەر شاشەی ئەو کەناڵە پەخش دەکرێت.
ڕۆژی 9ی مانگی رابردوو، دوای 19 ڕۆژ لە بێسەروشوێنبوونی، تەرمی نارینی تەمەن نۆ ساڵان لە جۆگەیەکی نزیک ماڵی خۆیان لە دیاربەکر دۆزرایەوە.
لەسەر کوژرانی نارین 24 کەس دەستگیرکران کە بەشێکی زۆریان کەسوکاری نزیکی بوون. دۆسیەکە دەنگدانەوەیەکی گەورەی لە تورکیا بەدوای خۆیدا هێنا و هێشتا پرۆسەی دادگاییکردن لەبارەی دۆسیەکەوە بەردەوامە.
یەکێک لە تۆمەتبارە سەرەکییەکان سالم گۆران، مامی نارینە لەگەڵ نەوزاد بەختیار کە درواسێی مامییەتی. دوای دۆزینەوەی تەرمی نارین لە 08-09-2024، نەوزاد بەختیار دانی بەوەدا نا تەرمەکەی نارینی لە تورەکەیەکدا لە رووبارێکدا فڕێداوە، ئەوەش لەسەر رێنمایی سالم گورانی مامی.
بەپێی وتەی نەوزاد بەختیار، نارین بە پەیوەندییەکی مامی و ژنێکی زانیوە و رەنگە لەلایەن ئامۆژنی یان دایکییەوە کوژرابێت، هاوکات بەگوێرەی میدیاکانی تورکیا، سالم گوران پەیوەندی نهێنی لەگەڵ دوو ژندا هەبووە لە گوندی چۆلێی ئامەد. لە دۆسیەکەدا دایک و برایەکی نارینیش دەستگیرکران.
بەگوێرەی راپۆررتی توێکاری-یش، نارین هیچ جۆرە دەستدرێژییەکی نەکراوەتەسەر، بەڵام شێوازی مردنەکەی بە خنکاندن لە قەڵەمدرا.

بەشێکی درامای کۆڵانەکانی پشتەوە بۆ دۆسیەی کوشتنی نارین گۆران تەرخان دەکرێت

شانۆی رۆمیۆ و جولێیت، کە خاوەنی دەقەکەی نووسەری بەناوبانگی جیهانیی ویڵیەم شەیکسپیرە، لە هۆڵی رۆشنبیریی سلێمانی نمایشدەکرێت.
رۆمیۆ و جولێیت، کە لە نووسینی ویڵیەم شەیکسپیرە، لە ڕێکەوتی 20/7/2024 و ڕۆژانی دواتر، کاتژمێر 06:00ـی ئێوارە لە هۆڵی رۆشنبیریی سلێمانی نمایشی شانۆیی بۆ دەکرێت و د. فازڵ جاف، کاری دەرهێنانی بۆ کردووە.
لەم بارەیەوە، هونەر حەسەن رەشید، کە ئەکتەرێکی شانۆکەیە و رۆڵی کارەکتەری (لۆرینزۆ) دەبینێت، لە لێدوانێکیدا بۆ قەڵەم بەمشێوەیە باسی لە ناوەڕۆکی شانۆکە کرد: "ناوەڕۆکی شانۆکە دەقێکی جیهانییە، زۆرکەس خوێندویەتییەوە و بە چەند شێوازێکی جیاواز بە فیلم کراوە، چیرۆکێکی نامۆ نییە بۆ خەڵکی و بیستراوە".
وتیشی: "ناوەڕۆکی شانۆکە باسی خۆشەویستیی کوڕ و کچێکی گەنج دەکات لە دوو بنەماڵەی دژبەیەکن، بەهۆی دوژمنایەتیی کۆنی ئەم دوو بنەماڵەیەوە، خۆشەویستییەکەیان ناگات بە ئەنجام و لەکۆتاییدا، ئەم کوڕ و کچە دەبنە قوربانی. 500 ساڵ پێش ئێستا ئەم دەقە نووسراوە و ئێستاش پەیکەرەکەی لە ئیتاڵیا هەیە و بە نەمری ماوەتەوە".
هونەر حەسەن، لە درێژەی قسەکانیدا باسی لەوەش کرد: "ئەم دەقە گەر وەکو خۆی ئیشی تێدا بکەین سێ کاتژمێرە، بەڵام دکتۆر فازڵ لە دەقێکی رووسی، ئینگلیزی و عەرەبییەوە وەریگێڕاوە. وەرگێڕانەکەی جیاوازییەکەی ئەوەیە، بۆ ئەکتەرە کە ئەدای بکات، نەک بۆ خوێنەر. دەرهێنەر شانۆکەی ئامادە کردووەتەوە بۆ کاتژمێرێک و نیو بە نزیکەیی، بەبێ ئەوەی زیان بە ئیشەکە بگەیەنێت".
ئاماژەی بەوەش کرد: "بە 26 ئەکتەر، کە رێژەیەکی زۆرە، توانیمان بە نزیکەی دوو مانگ و نیو بۆ سێ مانگ، شاکارێکی گەورەی شکسپیر بگەیەنینە بەرهەم و هەمووشتێک بەپێی پلانەکان ڕۆیشت".
لەبارەی ئەوەی شانۆکە تا کەی بەردەوام دەبێت؟ هونەر حەسەن رەشید وتی: "شانۆکە پێشنیارکراوە 10 رۆژێک بخایەنێت، بەڵام ئێمە سەیری هاتنی بینەرن دەکەین و هەتا بینەر هەبێت ئێمە بەردەوام دەبین".
دوێنێ شەممە، یەکەم رۆژی نمایشی شانۆکە بووە و وەک هونەر حەسەن دەڵێت: "بینەرێکی زۆرباش ئامادەبوو، لە شارەکانی تری هەرێمی کوردستانیشەوە وەک هەولێر و دهۆک خەڵک گەیشتبووە ئێرە، ئەمەش جێی خۆشحاڵی بوو بۆ ئێمە".

شانۆی رۆمیۆ و جولێیت لە سلێمانی نمایشدەکرێت

ئەکتەری سینەما و شانۆ و تەلەفزیۆنی ئێرانی، لە 27ی ئایاری ساڵی "1980" لە تاران لەدایک بووە. بەکالۆریۆسی لە بواری نواندن لە فاکەڵتی هونەرە جوانەکانی زانکۆی تاران وەرگرتووە.
باوکی، عەلی ئەسغەر کەمالی نەژاد، یەکێکە لە پاڵەوانە ناسراوەکانی لەشجوانی لە ئێران و جیهان، دایکی ناوی فەرحانی'یە.
لە ماوەی خوێندنی زانکۆیدا، لە چەندین شانۆدا خەڵاتی باشترین ئەکتەری پێبەخشراوە.
لە زنجیرەیەکدا ڕۆڵی بینی لە دەرهێنانی شەهریار بەهرانی و نووسینی موجتەبا فەروەردە، بەڵام ئەم زنجیرەیە پەخش نەکرا، هەر بۆیە نواندنەکەی لەم زنجیرەیەدا نەبینرا.
ئەو ئەکتەرە پێش ئەوەی لە یەکەم زنجیرەی تەلەفزیۆنیدا ڕۆڵ بگێڕێت، لە ساڵی 2002 وەک یاریدەدەری دەرهێنەر لە زنجیرەی شێخ بەهای شەهرام ئەسعەدی کاری کردووە.
لە ساڵی 2008 و دوای پێنج ساڵ لە نواندن، لە یەکەم زنجیرەی تەلەفزیۆنیدا، عەلیرەزا کەمالی لە فیلمی مەلەک سلێمان ڕۆڵی برای حەزرەتی سلێمان-ی بینی.
عەلیرەزا کەمالی لە ساڵی 2013 لە زنجیرەی شۆڕشی زێبە لە دەرهێنانی بێهرەنگ تۆفیقی دەرکەوت و دوای ئەوەش لە ساڵی 2016، بە زنجیرەی نەفەس، ناوبانگی دەرکرد.
دواتر و لە ساڵی 2022ـدا، ڕۆڵی لە درامای پێستی شێر-دا بینی، کە لە دەرهێنانی جەمشید مەحمودی و بەرهەمهێنانی نەوید مەحمودی-یە، تیایدا ئەکتەرانی وەک (شەهاب حوسەینی، هادی حیجازی فەر، پەنتێ بەهرام، مێهرداد سێدیگیان و پەردیس ئەحمەدیە)، ڕۆڵیان گێڕاوە.
درامای پێستی شێر سێیەم دەرکەوتنی عەلیرەزا کەمالی-یە و تێیدا ڕۆڵی ڕەزا پەروانەی بینیوە، هاوڕێی نەعیم کارەکتەری سەرەکی دراماکە .
بەشێک لەو فیلمانەی عەلیرەزا کەمالی بەشداریی تێیاندا کردووە:
گەشت: ساڵی 2003
کۆتایی ڕێگاکە: ساڵی 2015
دەستی بەتاڵ: ساڵی 2015
مەلەک سلێمان: ساڵی 2007
لە سەرەتای ڕۆژێکدا: ساڵی 2017
دوایین گەڕانەوە: ساڵی 2018
لە دووریی یەک هەناسە: ساڵی 2011
ئەمەش شارێکی ترە: ساڵی 2019
گەڕانەوە نییە: ساڵی 2013
سێ مانگ: ساڵی 2012
نووسەر: ساڵی 2013
هەری: ساڵی 2013
لە بێدەنگیدا: ساڵی 2014
ماڵی کاغەز: ساڵی 2015
بەشێک لەو درامایانەی عەلیرەزا کەمالی بەشداریی تێیاندا کردووە:
پێستی شێر: ساڵی 2022
دووبارە ژیان: ساڵی 2013
نەرگس: ساڵی 2014
گوڵی باراناوی: ساڵی 2015
پلیکانە بەرەو ئاسمان: ساڵی 2007 
شاری داغیانۆس: ساڵی 2018
خولیای فڕین: ساڵی 2018
ملیاردێر: ساڵی 2013
شۆڕشی جوان: ساڵی 2013

ژیاننامەی عەلیرەزا کەمالی

مەهدی سوڵتانی ئەکتەری سینەمای ئێرانی لە "1"ی ئەیلولی ساڵی "1971" لەدایک بووە. خاوەنی بڕوانامەی دکتۆرایە لە شانۆ لە زانکۆیەکی فەرەنسا. 
خاوەنی بڕوانامەی ماستەرە لە بواری دەرهێنان و بەکالۆریۆس لە بواری نواندن.
مامۆستای یاریدەدەرە لە فاکەڵتی هونەرە نمایشەکان و مۆسیقای کەمپی هونەرە جوانەکانی زانکۆی تاران.
ناوی تەواوی "محەممەد مەهدی سوڵتانی سارۆستانی"یە، خەڵکی شاری سارۆستانی شیرازە. لە ساڵی "2017" بەهۆی ڕۆڵی لە زنجیرەی "باوک"دا ناوبانگێکی زۆری پەیداکرد.
مەهدی سوڵتانی ئەکتەری سەرکەوتوی ئێران لە ساڵی "2000" هاوسەرگیری کرد و لە ساڵی "2013" کچێکی بە ناوی ڕۆژا بوو. 

یەکەمین بەرهەمی درەوشاوەی مێهدی سۆڵتانی لە بواری شانۆدا "وەک ئەوەی بچێتە سەر بیری شوانەکە " بوو کە لە نووسینی عەلیرەزا نادری نووسراوە، کە لە ساڵی "1994" لە فێستیڤاڵی شانۆی فەجر نمایشکرا.
مەهدی سوڵتانی لە زیاتر "25" نمایش ڕۆڵی گێڕاوە و هەروەها ئەزموونی دەرهێنانی لە بەرنامەی "خانێ ئاروسۆک" و بەرنامەی "چێزی یادم نامی ئەیاد" لە ژیانی هونەریدا هەیە. 
مێهدی سۆڵتانی کە بە دەنگی خۆی لە فەزای مەجازیدا چەندین پارچە مۆسیقای بڵاوکردۆتەوە، مێهدی سۆڵتانی بەنیازە مۆسیقای دیکە بەرهەم بهێنێت و پێشکەشی هەوادارەکانی بکات.
بەشێک لە کارە هونەریەکانی
دراما:
نوێترین کاری "تاوانی فریشتە" ، کە ئێستا لە سینەماکانی ئێران پەخش دەکرێت ، دامەزراوەی میدیایی قەڵەم کاری دۆبلاژی بۆ زمانی شیرینی کوردی ئەنجام دەدات و رۆژانی 4شەممان کاتژمێر 6:00 لەسەر شاشەی قەڵەم و پەیجی قەڵەم دراما پەخش دەکرێت .
درامای "باوکە گواردیۆلا" ، ئەم درامایە بەهەمان شێوە دامەزراوەی میدیایی قەڵەم کاری دۆبلاژی بۆ ئەنجام داوە ئێستا شەوانە کاتژمێر 8:00 لەسەر شاشەی قەڵەم و پەیجی فەیسبووکی قەڵەم دراما راستەوخۆ پەخشدەکرێت.

ژێر پێی دایک 2016
شەهرازاد "حەسەن فەتحی" 2014
حەوت بەرد " علیرضا بذرافشان " 2014
مەدینە "سیرۆس موغەدەم" 2013
باوک: بهرنگ توفیقی ، 2017
دایکانە: جواد افشار ، 2012
فۆتۆگرافەر: فرزین مهدی پور ، 2013
دیوار: سیروس مقدم ، 2018
ڕۆژانی یادگاری: همایون شهنواز ، 2012
بڕیاری کۆتایی: محسن شاه محمدی ، ساڵی 2001
فیلمەکان:
"ابراهیم حاتمی کیا" 2013
شاژن "محمدعلی باشه آهنگر" ساڵی 2011
پیاوی زیوین: حمدحسین لطیفی ، 2018
خەونی سۆهراب: علی قوی تن ، 2017
بە درێژایی شەو: فرزاد موتمن ، 2016
جنۆکە: داریوش مهرجویی ، 2012
سێبەری گەش: حسن هدایت، 2008
دوا بەندەر: حسن هدایت، ساڵی 1995

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

هونەری