نرخی زێڕ لە بازاڕەکانی جیهان و هەرێمی کوردستان بە شێوەیەکی بەرچاو دابەزی ئەمڕۆ هەینی 30ی تشرینی یەکەمی 2026، نرخی زێڕ لەسەر ئاستی جیهان دابەزینێکی بەرچاوی تۆمار کرد و هەر ئۆنسەیەک بۆ 3 هەزار و 974 دۆلار دابەزی، بەو هۆیەوە لە بازاڕەکانی هەرێمی کوردستان نرخی هەر مسقاڵێک لە سەرجەم عەیارەکان بەراورد بە دوێنێ بە ڕێژەیەکی هەستپێکراو شکایەوە. نرخی مسقاڵی زێڕ لە بازاڕەکانی هەرێمی کوردستان بۆ ئەمڕۆ بەم شێوەیەیە: عەیارە 24: 1 ملیۆن و 77 هەزار دینار (دوێنێ: 1 ملیۆن و 101 هەزار دینار بوو، 24 هەزار دینار دابەزیوە) عەیارە 22: 987 هەزار دینار (دوێنێ: 1 ملیۆن و 9 هەزار دینار بوو، 22 هەزار دینار دابەزیوە) عەیارە 21: 943 هەزار دینار (دوێنێ: 963 هەزار دینار بوو، 20 هەزار دینار دابەزیوە) عەیارە 18: 809 هەزار دینار (دوێنێ: 825 هەزار دینار بوو، 16 هەزار دینار دابەزیوە) دابەزینی بەهای ئۆنسە بۆ خوار 4 هەزار دۆلار لە بۆرسەی جیهانیدا، هۆکاری سەرەکیی دابەزینی بەهای زێڕە لە بازاڕەکانی هەرێمی کوردستان بۆ ئەمڕۆ هەینی.

دابەزینی گەورە لە بەهای زێڕی بازاڕەکاندا

نرخی زێڕ لە بازاڕەکانی هەرێمی کوردستان بە شێوەیەکی بەرچاو بەرزبووەوە ئەمڕۆ چوارشەممە 28ی تشرینی یەکەمی 2026، بەهای زێڕ لەسەر ئاستی جیهان و ناوخۆ بەرزبوونەوەیەکی نوێی تۆمار کرد و نرخی هەر ئۆنسەیەک گەیشتە 4 هەزار و 30 دۆلار، بەو هۆیەوە لە بازاڕەکانی هەرێمی کوردستان بەهای هەر مسقاڵێک لە سەرجەم عەیارەکان بەراورد بە دوێنێ بە ڕێژەیەکی بەرچاو گران بوو. نرخی مسقاڵی زێڕ لە بازاڕەکانی هەرێمی کوردستان بۆ ئەمڕۆ بەم شێوەیەیە: عەیارە 24: 1 ملیۆن و 102 هەزار دینار (دوێنێ: 1 ملیۆن و 87 هەزار دینار بوو، 15 هەزار دینار بەرزبووەتەوە) عەیارە 22: 1 ملیۆن و 10 هەزار دینار (دوێنێ: 996 هەزار دینار بوو، 14 هەزار دینار بەرزبووەتەوە) عەیارە 21: 964 هەزار دینار (دوێنێ: 952 هەزار دینار بوو، 12 هەزار دینار بەرزبووەتەوە) عەیارە 18: 826 هەزار دینار (دوێنێ: 816 هەزار دینار بوو، 10 هەزار دینار بەرزبووەتەوە) هەڵکشانی نرخی ئۆنسە لە بازاڕە جیهانییەکان هۆکاری سەرەکیی ئەم گۆڕانکاری و بەرزبوونەوە خێرایەی بەهای زێڕە لە بازاڕەکانی ناوخۆدا.

بەرزبوونەوەی بەرچاوی نرخی زێڕ

شاندی هەرێمی کوردستان بۆ یەکلاییکردنەوەی پشکی بودجە و مووچە لە بەغدایە شاندێکی باڵای حکوومەتی هەرێمی کوردستان بە مەبەستی ئەنجامدانی دوایین گەڕی گفتوگۆکان گەیشتە بەغدا و لەگەڵ وەزیری دارایی عێراق و تیمی تەکنیکیی وەزارەتەکە کۆدەبێتەوە، ئەمەش بە ئامانجی یەکلاییکردنەوەی پشکی هەرێمی کوردستان لە ڕەشنووسی یاسای بودجەدا. لە کۆبوونەوەکاندا پرسی دەستکاریکردن و کەمکردنەوەی پشکی هەرێم تاوتوێ دەکرێت، هاوکات شاندەکەی هەرێم داواکاریی فەرمیی تایبەت بە دامەزراندنی فەرمانبەرانی گرێبەست، دەرچووانی بەشە پزیشکییەکان، و هاوتاکردنی مووچەی کەسوکاری شەهیدان و پێشمەرگەی ڕادەستی وەزارەتی دارایی فیدراڵ کردووە. کەمکردنەوەی پشکی هەرێمی کوردستان لە ڕەشنووسی ئێستای یاسای بودجەدا ناڕەزایەتی لێکەوتووەتەوە، بە جۆرێک فراکسیۆنە کوردییەکان لە پەرلەمانی عێراق ئەم هەنگاوە بە پێشێلکردنی مافی هاووڵاتییانی هەرێم دەزانن و هۆشدارییان داوە لە ئەگەری هەموارنەکردنەوەی خشتەکان، دەنگ بە ڕەشنووسەکە نادەن.

شاندی هەرێم و بەغدا لەسەر بودجە کۆدەبنەوە

نرخی زێڕ لە بازاڕەکانی جیهان و هەرێمی کوردستان زیاتر دابەزی لە مامەڵەکانی ئەمڕۆ هەینی 23ی تشرینی یەکەمی 2026، نرخی زێڕ لە بازاڕەکانی جیهان و هەرێمی کوردستان دابەزینی نوێی بەخۆیەوە بینی، بە جۆرێک نرخی هەر ئۆنسەیەک لە بازاڕەکانی جیهاندا گەیشتە 4,016 دۆلار. هاوتەریب لەگەڵ بازاڕی جیهانی، لە بازاڕەکانی هەرێمی کوردستانیشدا نرخی هەر مسقاڵێک بەراورد بە دوێنێ نێوان 14 بۆ 20 هەزار دینار دابەزیوە. نرخی مسقاڵی زێڕ لە بازاڕەکانی هەرێم بۆ ئەمڕۆ: مسقاڵێک زێڕی عەیارە 24 بە 1,100,000 دینارە (دوێنێ 1,120,000 دینار بوو). مسقاڵێک زێڕی عەیارە 22 بە 1,008,000 دینارە (دوێنێ 1,027,000 دینار بوو). مسقاڵێک زێڕی عەیارە 21 بە 963,000 دینارە (دوێنێ 980,000 دینار بوو). مسقاڵێک زێڕی عەیارە 18 بە 826,000 دینارە (دوێنێ 840,000 دینار بوو).

نرخی زێڕ زیاتر دادەبەزێت

دابەزینی نرخی زێڕ و بەرزبوونەوەی بەهای دۆلار لە بازاڕەکاندا لە مامەڵەکانی ئەمڕۆ چوارشەممە 21ی تشرینی یەکەمی 2026، نرخی زێڕ لە بازاڕەکانی جیهان و هەرێمی کوردستان ڕووی لە دابەزین کرد، بە جۆرێک نرخی یەک ئۆنسە زێڕ لە بازاڕەکانی جیهاندا گەیشتە 4,121 دۆلار. لە بەرامبەردا نرخی دۆلاری ئەمریکی بەرامبەر بە دیناری عێراقی بەرزبوونەوەی بەخۆیەوە بینی و بەهای 100 دۆلار گەیشتە 169,350 دینار. نرخی مسقاڵی زێڕ لە بازاڕەکانی هەرێمی کوردستان بەپێی عەیارەکان بەم شێوەیەیە: مسقاڵێک زێڕی عەیارە 18 بە 846,000 دینارە. مسقاڵێک زێڕی عەیارە 21 بە 986,000 دینارە. مسقاڵێک زێڕی عەیارە 24 بە 1,126,000 دینارە.

گۆڕانکاری لە نرخی زێڕ و دراوەکان

داهاتی نانەوتیی سلێمانی و دەوروبەری زیاتر لە 660 ملیۆن دینار کەمی کردووە داهاتی نانەوتیی ئەم هەفتەیەی پارێزگاکانی سلێمانی و هەڵەبجە، لەگەڵ هەردوو ئیدارەی سەربەخۆی گەرمیان و ڕاپەڕین ڕووی لە دابەزین کرد، بە جۆرێک بەراورد بە هەفتەی پێشوو زیاتر لە نیو ملیار دینار پاشەکشەی تۆمارکردووە. ماڵپەڕی شەفافیەت بۆ چاودێریی داهاتی نانەوتی بڵاویکردەوە، کۆی داهاتی کۆکراوەی ئەم هەفتەیە گەیشتووەتە 9 ملیار و 908 ملیۆن و 70 هەزار و 84 دینار، ئەمەش بەراورد بە داهاتی هەفتەی ڕابردوو کە 10 ملیار و 573 ملیۆن و 991 هەزار و 971 دینار بوو، بە بڕی 665 ملیۆن دینار (ڕێژەی 6%) کەمی کردووە. بەپێی زانیارییەکانی ماڵپەڕەکە، لە کۆی ئەو داهاتە کۆکراوەیە، 82%ـی بە شێوەی نەختینە (کاش) و 18%ـی دیکەشی بە شێوەی چەک وەرگیراوە.

داهاتی نانەوتیی ئەم هەفتەیە کەمتر لە 10 ملیار دینارە

وەزارەتی بازرگانی و پیشەسازی لەگەڵ نوێنەرانی کەرتی بازرگانی لە کۆبوونەوەیەکی هاوبەشدا لێکەوتەکانی گۆڕانکاریی نرخی دۆلاریان لەسەر بازاڕەکانی هەرێمی کوردستان تاوتوێ کرد؛ لە کۆبوونەوەکەدا داوا لە حکوومەتی فیدراڵ کرا باج و ڕسووماتی گومرگی لەسەر کەلوپەل و پێداویستییە خۆراکییەکان لاببات، بە مەبەستی ڕێگریکردن لە گرانبوونی کاڵاکان و کەمکردنەوەی بارگرانی لەسەر بژێویی هاووڵاتییان. کۆبوونەوەکە بە بەشداریی بریکاری وەزارەتی بازرگانی، بەڕێوەبەری گشتیی بازرگانی، لقی هەولێری یەکێتیی هاوردە و ناردنکاران و ژووری بازرگانی بەڕێوەچوو گفتوگۆی چڕ لەسەر ئاسانکاریی گومرگی بۆ بازرگانان و پاراستنی سەقامگیریی نرخەکان کرا. لەوبارەیەوە، ڕەسووڵ حاجی عومەر، سەرۆکی لقی هەولێری هاوردە و ناردنکاران ڕایگەیاند پێویستە بازرگانان ڕەچاوی دۆخی دارایی هاووڵاتییان بکەن و دەستکاریی نادروستی نرخەکان نەکەن، هاوکات نوێنەرانی بازرگانانیش لەپێناو بەردەوامیی دابینکردنی پێداویستییەکان، ئاستەنگ و کێشەکانی بەردەم هاوردەکردنی کاڵاکانیان ئاراستەی لایەنە پەیوەندیدارەکان کرد.

داوا دەکرێت گومرگی سەر خۆراک هەڵبگیرێت

حکوومەتی عێراق ئاشکرای کرد، بەهۆی ئەو دۆخە داراییە سەختەی بەرۆکی وڵاتەکەی گرتووە، بە فەرمی داوای لە کۆماری ئیسلامیی ئێران کردووە ڕێگە بە تێپەڕین و هەناردەکردنی نەوتی عێراق لە ڕێگەی گەرووی هورمزەوە بدات، بەڵام تاران تا ئێستا بە تەواوی داواکارییەکەی بەغدای بێوەڵام هێشتووەتەوە. حەیدەر عەبوودی، وتەبێژی حکوومەتی عێراق ڕایگەیاند، ئەم داواکارییە فەرمییەی بەغدا بە ئامانجی ڕێگریکردن بووە لە داڕمانی زیاتری دارایی و ئابووریی وڵات، بەڵام بێدەنگی و بێوەڵامیی لایەنی ئێرانی قەیرانە داراییەکەی زیاتر ئاڵۆز کردووە. عەبوودی جەختی لەوەش کردەوە کە ئابووریی عێراق کەوتووەتە ژێر گەمارۆیەکی قورسەوە و لە ئاستی نێودەوڵەتی و ناوچەییشدا هیچ لایەنێک کارئاسانی بۆ هەناردەکردن و هەناردەکردنەوەی نەوتەکەی ناکات. داخستن و پەکخستنی هاتوچۆی کەشتییە نەوتییەکان لە گەرووی ستراتیژیی هورمز، کە شاڕەگی سەرەکیی هەناردەی نەوتی خاوی عێراقە بۆ بازاڕەکانی جیهان، داهاتی گشتیی وڵاتەکەی خستووەتە بەردەم مەترسییەکی گەورەوە؛ بە تایبەت کە بەغدا بۆ پڕکردنەوەی خەرجی و مووچەی مانگانە زیاتر لە 90% پشت بە فرۆشتنی نەوت دەبەستێت.

ئێران ڕێگای نەوتی عێراقی لە هورمز داخست

چوارچێوەی هەماهەنگی پاکێجێکی 4 خاڵی بۆ کەمکردنەوەی لێکەوتەکانی بەرزبوونەوەی نرخی دۆلار پەسەند دەکات

هاوپەیمانیی چوارچێوەی هەماهەنگی لە کۆبوونەوەی سەرکردەکانیدا تاوتوێی لێکەوتە دارایی و ئابوورییەکانی دابەزینی بەهای دینار و بەرزبوونەوەی نرخی دۆلاری لە بازاڕەکانی عێراقدا کرد، وەک وەڵامدانەوەیەکیش بۆ نیگەرانییەکانی هاووڵاتییان، پاکێجێکی گشتگیری چوار خاڵی بۆ سووککردنی بارگرانیی سەر شانی خەڵک پەسەند کرد.

بەپێی ڕاگەیەندراوی فەرمیی هاوپەیمانییەکە، بڕیارە بەشێک لەو داهاتە نەختینەیەی لە جیاوازیی نرخی فرۆشتنی دۆلار لە خەزێنەی دەوڵەتدا کۆدەبێتەوە، بۆ جێگیرکردنی فەرمانبەرانی گرێبەست و دامەزراندنی دەرچووانی زانکۆکان و هەڵگرانی بڕوانامە باڵاکان لە دامەزراوە حکومییەکاندا تەرخان بکرێت. هاوکات لەسەر ئاستی بژێویی خەڵک، بڕیار دراوە بە پەسەندکردنی سەبەتەیەکی پاڵپشتیکراوی تایبەت بە خۆراک، دەرمان و کەرەستەی بیناسازی بە نرخێکی کەمتر لە بازاڕ، تاوەکو چینە هەژار و کەمدرامەتەکان لە شەپۆلی گرانی بپارێزرێن.

لە لایەکی دیکەوە، پاکێجەکە پرسی خوێندن و کەرتی بەرهەمهێنانیشی گرتووەتەوە؛ بە جۆرێک بڕیاری کەمکردنەوەی کرێی خوێندن بە ڕێژەی 15% لە سەرجەم زانکۆ و پەیمانگە ئەهلییەکاندا دراوە بۆ هاوکاریکردنی خێزانی خوێندکاران، لەگەڵ تەرخانکردنی پاڵپشتیی دارایی و کاراکردنەوەی پڕۆژە کشتوکاڵی و پیشەسازییەکان، بە ئامانجی بووژاندنەوەی بەرهەمی ناوخۆ و کەمکردنەوەی هاوردەکردنی دەرەکی کە بە دۆلار ئەنجام دەدرێت.&nbsp;

4 بڕیاری بەپەلە دژی گرانیی دۆلار لە عێراق

بازاری جیهانیی وزە لە نێوان کێشە ئەمنییەکانی ڕۆژهەڵاتی ناوەڕاست و ڕێکارە فریاگوزارییەکاندا هاوسەنگی ڕاگرتووە، لە کاتێکدا نرخی نەوتی خاو ڕێڕەوێکی بەرزبوونەوەی نوێی تۆمار کرد و بەرمیلێک برێنت بەربەستی 100 دۆلاری تێپەڕاند.&nbsp;
مامەڵەکانی بۆرسە دەریخستووە کە نەوتی برێنت بە کەمێک بەرزبوونەوە گەیشتە 100.59 دۆلار بۆ هەر بەرمیلێک و نەوتی تەکساسیش لە ئاستی 89.73 دۆلار جێگیر بوو.&nbsp;
ئەم ئاستە لە نرخ لە کاتێکدایە کە جموجۆڵی کەشتییە نەوتهەڵگرەکان لە ڕۆژهەڵاتی ناوەڕاست و بەتایبەت سعوودیە چالاکییەکی بەرچاوی بەخۆوە بینیوە، بە جۆرێک ڕێژەی گواستنەوە لە کەنداوەوە بە ئاڕاستەی کیشوەری ئاسیا گەیشتووەتە ئاستێکی پێوانەیی و دابینکردنی 81%ی خواستی پێش سەرهەڵدانی گرژییەکان مسۆگەر دەکات، هەرچەندە هەناردەی نەوتی ئێران لەژێر کاریگەریی گەمارۆکانی واشنتندا ڕاگیراوە.
&nbsp;هاوکات لەگەڵ مەترسیی کەمبوونەوەی کۆگاکان لەژێر سێبەری نائارامییەکاندا، وڵاتانی گرووپی حەوت لە هەنگاوێکی خێرادا پەنایان بردە بەر ئازادکردنی 100 ملیۆن بەرمیل لە نەوت و گازۆیلی یەدەگی دەوڵەتەکانیان بۆ کۆنترۆڵکردنی نرخەکان.&nbsp;
ئەم بڕیارە و بەڵێنی دانەنانی هیچ کۆتوبەندێک لەسەر جووڵەی فرۆشتنی سەرچاوەکانی وزە، دوای فشارە دیپلۆماسی و ئابوورییەکانی دۆناڵد ترەمپ دێت، بە ئامانجی هێورکردنەوەی شەپۆلی نیگەرانییەکان لەسەر ئاسایشی کەشتیوانی و وزەی جیهانی.

نەوت بەربەستی 100 دۆلاری بەزاند

نرخی زێڕ لە بازاڕەکانی جیهاندا بەرزبووە و لە بازاڕەکانی هەرێم هەر مسقاڵێک هەشت هەزار دیناری دیکەی چووتەسەر و یەک مسقاڵ زێری عەیارە 21 بەرامبەر بە 963 هەزار دینارە.

ئەمڕۆ چوارشەممە 9ـی ئەیلوولی 2026، نرخی یەک ئۆنسەی زێڕ بەرامبەر بە چوار هەزار و 407 دۆلار دیاریکراوە، هەر مسقاڵێک زێڕی عەیار 21 بە 963 هەزار دینار مامەڵەی پێوە دەکرێت.

نرخى هەر مسقاڵێک زێڕ بەم شێوەیەی خوارەوەیە:

نرخی یەک مسقاڵ زێڕی عەیارە 22 بەرامبەر بە ملیۆنێک و هەشت هەزار دینارە.


نرخی یەک مسقاڵ زێڕی عەیارە 21 بەرامبەر بە 963 هەزار دینارە.


نرخی یەک مسقاڵ زێڕی عەیارە 18 بەرامبەر بە 825 هەزار دینارە.


نرخی یەک مسقاڵ زێڕی عەیارە 14 بەرامبەر بە 742 هەزار دینارە.

نرخی زێڕ بەرزبووەوە

نرخی زێڕ لە بازاڕەکانی جیهاندا دابەزیوە و یەک ئۆنسەی زێڕ گەیشتە چوار هەزار و 382 دۆلار، نرخی مسقاڵێک زێڕی عەیارە 21ـیش بەرامبەر بە 940 هەزار دینارە.


نرخی زێر لە بازاڕەکانی هەرێمی کوردستاندا بەم شێوەیەیە:
 
یەک مسقاڵ زێڕی عەیارە 21 بە 940 هەزار دینارە
 
یەک مسقاڵ زێڕی عەیارە 18 بە 807 هەزار دینارە
 
یەک مسقاڵ زێڕی عەیارە 22 بە 984 هەزار دینارە
 
یەک مسقاڵ زێڕی عەیارە 24 بە ملیۆنێک و 74 هەزار دینارە

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

ئابوری