وەزارەتی دارایی هەرێم رایگەیاند، لە سبەینێوە دەست دەکەن بە دابەشکردنی مووچەی مانگی دووی مووچەخۆر و فەرمانبەرانی هەرێم.
وەزارەتی دارایی و ئابووری هەرێم بڵاویکردەوە، سبەینێ سێشەممە رێکەوتی 10-3-2026، دەست بە دابەشکردنی مووچەی مانگی شوباتی فەرمانبەر و مووچەخۆرانی هەرێمی کوردستان دەکرێت و رۆژی پێنجشەممە 12-3-2026، کۆتایی دێت.
بەپێی لیستی مووچەی مانگی دوو، سبەینێ هەر یەک لە وەزارەتەکانی خانەنشینی شارستانی و پێشمەرگە، زیندانە سیاسییەکان، بەرکەوتوانی کیمیاباران، کەسوکاری شەهید و ئەنفالکراوان، کاروباری شەهید و ئەنفالکراوان، پەروەردە، تەندروستی و خوێندنی باڵا و توێژینەوە زانستی مووچە وەردەگرن.

سبەینێ ئەم شوێنانە مووچە وەردەگرن

وەزارەتی دارایی رایگەیاند، دوایین گوژمەی تەمویلی مووچەی مانگی شوبات خرایە سەر هەژماری بانکی وەزارەتی دارایی.
وەزارەتی دارایی و ئابووری بڵاویکردەوە، ئەمڕۆ دووشەممە بڕی (295) ملیار و (405) ملیۆن دینار وەک دوایین گوژمەی تەمویلی مووچەی مانگی شوباتی فەرمانبەر و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری لە لقی هەولێری بانکی ناوەندی عێراق.
ئاشکراشیکرد، هەر ئەمڕۆ دوای تەواوکردنی رێکارەکان و وەرگرتنی پارەکە لە لقی هەولێری بانکی ناوەندی عێراق، خشتەی مووچە رادەگەیەنرێت و دەست بە دابەشکردنی مووچە دەکرێت.
ئەوەشی خستەڕوو، بۆ ئەم مانگەش وەزارەتی دارایی حکومەتی فیدراڵ بڕی (16،107،881،000) شانزە ملیارو سەدو حەوت ملیۆن و هەشت سەدو هەشتاو یەک هەزار دیناری لە تەمویلی مووچەی مانگی شوبات نەناردووە کە بریتییە لە شایستەی مووچەی مانگەکانی رابردووی خانەنشینانی شارستانی و سەربازی.
راشیگەیاند، بڕی ئەو (36،360،864،000) دینارەشی خەرج نەکردووە کە مانگی رابردوو لە تەمولی مووچەی مانگی کانوونی دووەمی ئەمساڵی بڕیبوو کە شایستەی ساڵی رابردووی خانەنشینانی سەربازی و شارستانی و کەمئەندامانی سەنگەر بوو، سەرەڕای ئەوەی لەڕێی نوسراوی فەرمی و ناردنی تیمی تەکنیکیەوە روونکردنەوەی پێویستیشیان پێدابوون و داوای خەرجکردنی ئەو شایستەیەیان کردبوو.

وەزارەتی دارایی: پارەی مووچەی مانگی دوو کورتهێنانی هەیە

وەزارەتی دارایی رایگەیاند، داهاتی نانەوتی هەرێم بۆ مانگی دوو دەخرێتە سەر هەژماری بانکی وەزارەتی دارایی عێراق.
وەزارەتی دارایی و ئابووری هەرێم لە بڵاوکراوەیەکدا رایگەیاند، سبەینێ چوارشەممە، رێکەوتی (4ـی ئازاری 2026) بڕی (120،000،000،000) سەدو بیست ملیار دینار وەک داهاتی نانەوتی هەرێم بۆ مانگی شوبات بەشێوەی کاش دەخرێتە سەر هەژماری بانکی وەزارەتی دارایی حکومەتی فیدراڵ لە لقی هەولێری بانکی ناوەندی عێراق.

داهاتی نانەوتی مانگی دوو رادەستی بەغدا دەکرێت

نرخی زێڕ لە بازاڕەکانی جیهاندا دابەزی و نرخی یەک ئۆنسەی زێڕ پێنج هەزار و 171 دۆلارە.


ئەمڕۆ سێشەممە 24ـی شوباتی 2026، نرخی یەک ئۆنسەی زێڕ بەرامبەر بە پێنج ھەزار و 171 دۆلارە و یەک مسقاڵ زێڕی عەیارە 21 بە ملیۆنێک و 126 هەزار دینارە .

لە بازاڕەکانی هەرێم نرخی زێڕ بەم شێوەیە:
یەک مسقاڵ زێڕی عەیارە 18 بە 966 هەزار دینارە
یەک مسقاڵ زێڕی عەیارە 21 بە ملیۆنێک و 126 هەزار دینارە
یەک مسقاڵ زێڕی عەیارە 22 بە یەک ملیۆن و 179 هەزار دینارە
یەک مسقاڵ زێڕی عەیارە 24 بە ملیۆنێک و 287 هەزار دینارە

نرخی ئەمڕۆی زێڕ

وەزارەتی دارایی رایگەیاند، لیستی مووچەی مانگی شوبات و راپۆرتی تەرازووی پێداچوونەوە رەوانەی بەغدا دەکرێت.
وەزارەتی دارایی و ئابووری هەرێم لە راگەیەندراوێکدا بڵاویکردەوە، ئێوارەی ئەمڕۆ دووشەممە، لیستی مووچەی مانگی دووی فەرمانبەر و مووچەخۆرانی هەرێمی کوردستان و راپۆرتی تەرازووی پێداچوونەوەی مانگی کانوونی دووەم لەلایەن تیمی تەکنیکی وەزارەتی دارایی و ئابووری هەرێمی کوردستانەوە رەوانەی بەغدا دەکرێت.
هەروەها، سبەینێ سێشەممە رادەستی فەرمانگەی ژمێریاری وەزارەتی دارایی حکومەتی فیدراڵ دەکرێت.

لیستی مووچەی مانگی دوو رەوانەی بەغدا دەکرێت

نرخی زێڕ لە بازاڕەکانی جیهاندا بەرزبووەوە و لە ئێستادا نرخی یەک ئۆنسە لەو کانزا زەردە بە پێنج هەزار و 42 دۆلار مامەڵەی پێوەدەکرێت.
ئەمڕۆ یەکشەممە، 15-2-2026، نرخی هەر ئۆنسەیەک زێڕ بە پێنج ھەزار و 42 دۆلار و هەشت سەنت مامەڵەی پێوەدەکرێت .
نرخی ئێستای زێڕ لە بازاڕەکانی هەرێم بەم شێوەیەیە:-

یەک مسقاڵ زێڕی عەیارە 18 بە 918 هەزار دینارە.

یەک مسقاڵ زێڕی عەیارە 21 بە ملیۆنێک و 70 هەزار دینارە.

یەک مسقاڵ زێڕی عەیارە 22 بە یەک ملیۆن و 121 هەزار دینارە.

یەک مسقاڵ زێڕی عەیارە 24 بە ملیۆنێک و 225 هەزار دینارە.

نرخی زێڕ بەرزبووەوە

بەپێی لیستی مووچەی مانگی یەک، ئەمڕۆ زۆرینەی وەزارەت و دەستەکان مووچەی مانگی یەک وەردەگرن. 
ئەمڕۆ پێنجشەممە، 12-2-2026، بەپێی ئەو لیستەی بڵاوکراوەتەوە، مووچەی مانگی یەکی مافی مرۆڤ، دەستەی دەستپاکیی، دەستەی وەبەرهێنان، دەزگای مین، ناوچەکانی دەرەوەی هەرێم، کۆمسیۆنی باڵای هەڵبژاردن، دیوانی چاودێری دارایی، خاوەنپێداویستی تایبەت، ئاوەدانکردنەوە و نیشتەجێکردن، دارایی و ئابوریی، ناوخۆ، داد، ئەنجومەنی دادوەریی، پلاندانان، بازرگانیی و پیشەسازیی دابەشدەکرێت.
هەروەها، مووچەی سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانیی و گەشتوگوزار، کار و کاروباری کۆمەڵایەتی، رۆشنبیریی و لاوان، کارەبا، ئەوقاف و کاروباری ئایینی، هێزی زێرەڤانی و بەرگریی فریاکەوتن، سەرۆکایەتی پەرلەمان، سەرۆکایەتی ئەنجومەنی وەزیران، سەرۆکایەتی هەرێمیش دابەشدەکرێت.

ئەمڕۆ ئەم شوێنانە مووچە وەردەگرن

وەزارەتی دارایی هەرێم رایگەیاند، لە سبەینێوە دەست دەکەن بە دابەشکردنی مووچەی مانگی یەکی مووچەخۆر و فەرمانبەرانی هەرێم.
وەزارەتی دارایی و ئابووری هەرێم بڵاویکردەوە، سبەینێ چوارشەممە رێکەوتی 11-2-2026، دەست بە دابەشکردنی مووچەی مانگی کانوونی دووەمی فەرمانبەر و مووچەخۆرانی هەرێمی کوردستان دەکرێت و رۆژی شەممە 14-2-2026، کۆتایی دێت.
بەپێی لیستی مووچەی مانگی یەک، سبەینێ هەر یەک لە وەزارەتەکانی خانەنشینی شارستانی و پێشمەرگە، زیندانە سیاسییەکان، بەرکەوتوانی کیمیاباران، کەسوکاری شەهید و ئەنفالکراوان، کاروباری شەهید و ئەنفالکراوان، پەروەردە، تەندروستی و خوێندنی باڵا و توێژینەوە زانستی مووچە وەردەگرن.
وەزارەتی دارایی داواش لە مووچەخۆران دەکات، لە دوای کاتژمێر یەکی نیوەڕۆ سەردانی بانکەکان بکەن بە مەبەستی وەرگرتنی مووچەکانیان بە پێی خشتەی راگەیەندراو.

سبەینێ لەم کاتەدا ئەم شوێنانە مووچە وەردەگرن

وەزارەتی دارایی عێراق رایگەیاند، تەنیا پارەی ئەو فەرمانبەر و خانەنشینانە نێردراوە کە بە کردەیی ناویان لە لیستە پەسندکراوەکاندا هەیە و لەلایەن وەزارەتەوە پشتڕاست کراونەتەوە.
وەزارەتی دارایی عێراق لە راگەیەندراوێکدا وەڵامی وەزارەتی دارایی و ئابووریی هەرێمی کوردستانی دایەوە سەبارەت بە بوونی کورتهێنان لە تەمویلی مووچەدا و ئاماژەی بەوە کرد، خەرجکردنی پارەکە بەپێی رێنمایی خەرجیی (1/12) بووە. هەر بەپێی راگەیەندراوەکە، تەنیا پارەی ئەو فەرمانبەر و خانەنشینانە نێردراوە کە بە کردەیی ناویان لە لیستە پەسندکراوەکاندا هەیە و لەلایەن وەزارەتەوە پشتڕاست کراونەتەوە.
سەبارەت بەو کورتهێنان و جیاوازییە داراییانەی کە پەیوەندییان بە مانگەکانی رابردووەوە هەیە، وەزارەتی دارایی عێراق دەڵێت: "هەر بڕە پارەیەکی زیادە یان شایستەی مانگەکانی رابردوو لە چوارچێوەی میکانیزمی ئێستای خەرجکردن دا جێگەی نابێتەوە، چونکە ئەوە پێویستی بە گواستنەوەی یاسایی و تەرخانکردنی دارایی تایبەت هەیە؛ بۆیە ئەو بڕە پارانە لە کاتی ئامادەکردنی خشتەکانی بودجەی ساڵی 2026دا چارەسەر دەکرێن".
حکومەتی عێراق لە کۆتایی راگەیەندراوەکەدا جەخت لە پابەندبوونی خۆی بە ناردنی مووچەی هەموو شایستەکان لە سەرتاسەری وڵات دەکاتەوە و داوا دەکات لایەنەکان لە گواستنەوەی راستییەکاندا وردبن و لە زمانی گرژی و بیانوو هێنانەوە دوور بکەونەوە.

عێراق لەبارەی کورتهێنانی مووچەوە وەڵامی هەرێم دەداتەوە

وەزارەی دارایی رایگەیاند، تەمویلی مووچەی مانگی کانوونی دووەم خرایە سەر هەژماری بانکی وەزارەتی دارایی.
وەزارەتی دارایی و ئابووری هەرێم لە راگەیەندراوێکدا بڵاویکردەوە، دوا نیوەڕۆی ئەمڕۆ سێشەممە، 10-2-2026، بڕی (931،257،000،000) نۆ سەدو سی و یەک ملیارو دووسەدو پەنجاو حەوت ملیۆن دینار وەک تەمویلی مووچەی مانگی کانوونی دووەمی فەرمانبەر و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عێراق.
ئاماژەی بەوەشکرد، لە چوارچێوەی ئەو سیاسەتەی ماوەی چەند ساڵێکە حکومەتی فیدراڵ لە دژی هەرێمی کوردستان پەیڕەوی دەکات و ئەو کێشە و گرفت و بیانوانەی وەزارەتی دارایی حکومەتی فیدراڵ بۆ مووچەی هەرێمی کوردستان دروستی دەکات، بۆ مووچەی مانگی کانوونی دووەمی ئەمساڵ بڕی (36،360،864،000) سی و شەش ملیارو سێ سەدو شەست ملیۆن و هەشت سەدو شەست و چوار هەزار دیناری لە کۆی تەمویلی مووچە نەناردووە کە بریتییە لە شایستەی چەند مانگی رابردووی زیاتر لە هەشت هەزار خانەنشینی سەربازی و شارستانی کە لە ساڵی رابردوودا خانەنشین کراون و دوای پەسەندکردن و تەواوکردنی دۆسیەکانیان لە مانگی کانوونی دووەم داخڵی لیستی مووچە کراونەتەوە.
ئاشکراشیکرد، ئەو خانەنشینانەی کە لە مانگی یەک داخڵی لیستی مووچە کرابوونەوە و پێویست بوو چەند مووچەیەک بەیەکەوە وەربگرن، بەڵام لە بەغداوە تەنیا یەک مووچەیان بۆ هاتووە کە مووچەی مانگی یەکی ئەمساڵە، لەو بارەیەوە تیمەکانیان لەسەر هێڵن بۆ چارەسەرکردنی کێشەکە و خەرجکردنەوەی ئەو شایستانە لە نزیکترین کاتدا.

تەمویلی مووچەی مانگی یەک خرایە سەر هەژماری بانکی وەزارەتی دارایی

بریکارێکی پێشووی وەزارەتی دارایی عێراق دەڵێت، لە کۆتایی ئەم هەفتەیەدا مووچەی مانگی یەک خەرج دەکرێت.
ئەمڕۆ یەکشەممە، 8-2-2026، فازڵ نەبی، بریکاری پێشووی وەزارەتی دارایی عێراق لە لێدوانێکدا وتی، پێشبینی دەکات لە کۆتایی ئەم هەفتەیەدا مووچەی مانگی یەک خەرج بکرێت.
وتیشی، هیچ گرفتێک نەماوە و هەموو رێکارەکان تەواو کراوە بۆ خەرجکردنی مووچەی مانگی یەکی مووچەخۆر و فەرمانبەرانی هەرێم.
ئەمەش لە کاتێکدایە، تاکو ئێستا لە هەرێمی کوردستان مووچەی مانگەکانی 11 و 12ـی ساڵی رابردوو و مووچەی مانگی یەکی ئەمساڵ دابەش نەکراوە.

وادەی دابەشکردنی مووچە ئاشکراکرا

نرخی یەک ئۆنسەی زێڕ بە 4,965 دۆلار مامەڵەی پێوەدەکرێت.
ئەمڕۆ شەممە 7ی شوباتی 2025، نرخی یەک ئۆنسە زێر 4,965 دۆلارە و نرخی یەک مسقاڵ زێڕی عەیار 21 بەرامبەر بە 1,094,000 دینارە.
لە بازاڕەکانی هەرێمیش بەهای زێڕ بەم شێوەیە:
زێڕی عەیارە 18 بە 938 هەزاردینارە
زێڕی عەیارە 21 بە 1,094,000 هەزار دینارە
زێڕی عەیارە 22 بە 1,146,000 هەزار دینارە
زێڕی عەیارە 24 بە 1,251,000 هەزار دینارە

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

ئابوری

سبەینێ ئەم شوێنانە مووچە وەردەگرن

وەزارەتی دارایی: پارەی مووچەی مانگی دوو کورتهێنانی هەیە

داهاتی نانەوتی مانگی دوو رادەستی بەغدا دەکرێت

نرخی ئەمڕۆی زێڕ

لیستی مووچەی مانگی دوو رەوانەی بەغدا دەکرێت

نرخی زێڕ بەرزبووەوە

ئەمڕۆ ئەم شوێنانە مووچە وەردەگرن

سبەینێ لەم کاتەدا ئەم شوێنانە مووچە وەردەگرن

عێراق لەبارەی کورتهێنانی مووچەوە وەڵامی هەرێم دەداتەوە

تەمویلی مووچەی مانگی یەک خرایە سەر هەژماری بانکی وەزارەتی دارایی

وادەی دابەشکردنی مووچە ئاشکراکرا

نرخی ئەمڕۆی زێڕ