نرخی نەوت دابەزی و لە ئێستادا نرخی یەک بەرمیل نەوتی خاوی برێنت بە زیاتر لە 60 دۆلار مامەڵەی پێوەدەکرێت.
ئەمڕۆ دووشەممە، نرخی یەک بەرمیل نەوتی برێنت 24 سەنت دابەزی و بە 61 دۆلار و پێنج سەنت مامەڵەی پێوەدەکرێت.
هاوکات، نرخی یەک بەرمیل نەوتی تەکساسی ئەمریکاش 21 سەنت دابەزی و بە 57 دۆلار و 33 سەنت مامەڵەی پێوەدەکرێت.
بەردەوامیی شەڕی بازرگانیی نێوان ئەمریکا و چین گۆڕانکاریان لە نرخی نەوت دروستکردووە.

نرخی نەوت دابەزی

میدیاكانی ئیسرائیل بڵاویانكردەوە، ئیسرائیل بڕیاریدا رەوانەكردنی هاوکارییە مرۆییەکان بۆ غەززە رابگرێت تا كاتێكی نادیار، ئەوەش دوای ئەوەی ئێوارەی ئەمڕۆ سوپای ئیسرائیل رایگەیاند، زنجیرەیەک هێرشی ئاسمانی نوێی بۆ سەر باشوری کەرتی غەززە ئەنجامداوە. سوپای ئیسرائیل لە بەیاننامەیەکدا رایگەیاند، سوپا دەستی کردووە بە شەپۆلێکی نوێی هێرشی ئاسمانی بۆ سەر ئامانجەکانی حەماس لە باشوری کەرتی غەززە، ئەوەش دوای پێشێلکردنی رێککەوتنی ئاگربەست لەلایەن حەماسەوە، وەك سوپای ئیسرائیل بانگەشەی بۆ دەكات. هاوكات میدیا فەلەستینییەکان بڵاویان كردەوە، فڕۆکە ئیسرائیلییەکان زیاتر لە 20 هێرشی ئاسمانییان بۆ سەر ناوچەکانی رۆژهەڵاتی خان یونس ئەنجامداوە.

ئیسرائیل هێرشەکانی بۆ سەر غەززە دەستپێکردەوە

بڕیارە دوای رادەستکردنی داهاتی ناوخۆ مووچەی مانگی هەشتی مووچەخۆر و فەرمانبەرانی هەرێم خەرج بکرێت.
ئەمڕۆ شەممە، بەپێی زانیارییەکان، لە دوو رۆژی داهاتوودا دەست بە دابەشكردنی مووچەی مانگی 10ـی مووچەخۆرانی عێراق دەکرێت و دوای رادەستکردنی 120 ملیار دیناری داهاتی ناوخۆش دەست بە خەرجکردنی مووچەی مانگی هەشتی هەرێم دەکرێت.
هەر بەپێی زانیارییەکان، بڕیارە بە زووترین کات دەست بە خەرجکردنی مووچەی مانگی هەشتی هەرێم بکرێت، بۆ ئەو مەبەستەش پێویستە هەرێم بە زووترین کات داهاتی ناوخۆی مانگی هەشت کە 120 ملیار دینارە رادەستی بەغدای بکات.
ئەمەش لە کاتێکدایە، لە چەند رۆژی داهاتوودا بەغدا دەستدەکات بە دابەشکردنی مووچەی مانگی 10، بەڵام تاکو ئێستا بڕیاری خەرجکردنی مووچەی مانگی هەشت، نۆ و 10ـی هەرێم نەدراوە.

نوێترین زانیاری لەسەر چارەنووسی مووچەی مانگی هەشت

دەستەی کەشناسی عێراق رایگەیاند، سبەینێ شەممە ئاسمان ساماڵ و هەور دەبێت، هەروەها خۆڵبارین روو لە چەند ناوچەیەک دەکات.
دەستەی کەشناسی عێراق لە راگەیەندراوێکدا رایگەیاند، سبەینێ شەممە ئاسمان ساماڵ و هەور دەبێت، هەروەها لە ئەمڕۆوە خۆڵبارین روو لە بەشێکی عێراق و بە تایبەت ناوچەکانی رۆژئاوا دەکات و تاکو رۆژی سێشەممەی هەفتەی داهاتوو بەردەوام دەبێت.
دەربارەی پلەکانی گەرماش رایگەیاند، نزمترین پلەی گەرما لە نەینەوا تۆماردەکرێت کە 31 پلەی سیلیزییە و بەرزترینیش لە میسان و بەسڕە دەبێت کە 39 پلەی سیلیزییە.
هەر بەپێی پێشبینییەکان، لە رۆژی یەکشەممەوە پلەکانی گەرما لە هەرێمی کوردستان کەمێک دادەبەزن و ئاسمانیش نیمچە هەور دەبێت.

لەم وادەیەوە خۆڵبارین دەستپێدەکاتەوە

وەزیری بازرگانیی عێراق، رایگەیاند، بەشەخۆراکی ئەو فەرمانبەرانە دەبڕدرێت کە مووچەکانیان لە سەرووی ملیۆنێک و 500 هەزار دینار بێت. 
ئەمڕۆ پێنجشەممە، ئەسیر غەریری، وەزیری بازرگانیی عێراق لە لێدوانێکدا رایگەیاند: "لە قۆناغەکانی داهاتوو گۆڕانکاریی گەورە بەسەر میکانیزمی دابەشکردنی بەشەخۆراکی هاوڵاتییاندا دەهێنین، دادپەروەرانە نییە فەرمانبەرێک مووچەکەی سەروو ملیۆنێک و 500 هەزار دینار بێت، بخرێتە ئاستی کەسێکەوە کە هیچ سەرچاوەیەکی جێگیریی دارایی نییە".
وتیشی: "سیستمی بەشەخۆراکی مانگانە لە ساڵی 1990ـەوە دامەزراوە، ئەو سەردەمە سەرچاوەکانی بژێویی خەڵک سنوورداربوون، بەڵام ئەمڕۆ بارودۆخەکە تەواو جیاوازە، کەسانێک هەن مووچەکانیان نزیکە لە دوو ملیۆن دینار و بەشەخۆراکی مانگانەش وەردەگرن، ئەمەش دادپەروەرانە نییە".

بەشەخۆراکی مانگانەی ئەم کەسانە دەبڕدرێت

بەپێی ئامارە فەلەکییەکان، رۆژی پێنجشەممە، 19ـی شوباتی 2026، یەکەم رۆژی مانگی رەمەزانی پیرۆز دەبێت. 
ئەمڕۆ هەینی، 17-10-2025، بە گوێرەی ماڵپەڕی بەغدا ئەلیەوم، بەپێی ئامارە فەلەکییەکانی ئەم دواییە ئاماژە بەوەدەکەن، کە رۆژی پێنجشەممە، 19ـی شوباتی 2026، یەکەم رۆژی مانگی رەمەزانی پیرۆز دەبێت بۆ ساڵی 1447ـی کۆچی، ئەم خەمڵاندنەش لەلایەن ناوەندەکانی توێژینەوەوە دەرچووە.
هاوکات، بەپێی روانگە فەلەکییەکان، مانگی رەمەزانی ساڵی 2026 رەنگە بۆ 30 رۆژ درێژبێتەوە و جەژنی رەمەزان دەکەوێتە رۆژی شەممە 20ـی ئازاری 2026، بەڵام ئەم زانیارییانە بە فەرمی پشتڕاست نەکراونەتەوە.

یەکەم رۆژی مانگی رەمەزان دیاریکرا

فڕۆکەخانەی نێودەوڵەتی سلێمانی وادەی دەستپێکردنەوەی گەشتە ئاسمانییەکانی تورکش ئێرلاین ئاشکرادەکات. 
فڕۆکەخانەی نێودەوڵەتی سلێمانی لە بڵاوکراوەیەکدا رایگەیاند، هێڵی ئاسمانی تورکش ئێرلاین گەشتە ئاسمانییەکانی لە فڕۆکەخانەی نێودەوڵەتی سلێمانی دەستپێدەکاتەوە.
بەپێی ئەو خشتەیەی کە لەلایەن (هێڵی ئاسمانی تورکش ئێرلاین)ـەوە بۆ فڕۆکەخانەی نێودەوڵەتی سلێمانی نێردراوە، وابڕیارە لە (3-11-2025) گەشتە ئاسمانییەکان لە نێوان (ئەستەمبوڵ-سلێمانی-ئەستەمبوڵ) دەستپێبکەنەوە.

وادەی دەستپێکردنەوەی گەشتی ئاسمانی تورکیا-سلێمانی ئاشکراکرا

نرخی زێڕ جارێکی دیکە بەرزبووەوە و لە ئێستادا نرخی یەک ئۆنسەی کانزاکە بە زیاتر لە 4190 دۆلار مامەڵەی پێوەدەکرێت.
ئەمڕۆ چوارشەممە، 15-10-2025، نرخی ئۆنسەیەک زێڕ بە چوار هەزار و 192 دۆلار مامەڵەی پێوەدەکرێت، بەراورد بە دوێنێ نرخەکەی نزیکەی 70 دۆلار بەرزبووەتەوە.
ئابووریناسان هۆکاری سەرەکی بەرزبوونەوەی نرخی زێڕ دەگەڕێننەوە بۆ گرژییە بازرگانییەکانی نێوان ئەمریکا و چین و چاوەڕوانییەکان بۆ کەمکردنەوەی سوودی بانکی لە ئەمریکا.
نرخی ئێستای زێڕ لە بازاڕەکانی هەرێم بەم شێوەیەیە:-
یەک مسقاڵ زێڕی عەیارە 18 بە 736 هەزار دینارە.
یەک مسقاڵ زێڕی عەیارە 21 بە 858 هەزار دینارە.
یەک مسقاڵ زێڕی عەیارە 22 بە 899 هەزار دینارە.
یەک مسقاڵ زێڕی عەیارە 24 بە 981 هەزار دینارە.

جارێکی دیکە نرخی زێر بەرزبووەوە؛ بە چەند مامەڵەی پێوەدەکرێت؟

سەرۆکی ئەمریکا، رایگەیاند: "ئێستا قۆناغی دووەمی ئاگربەستی غەززە دەستپێدەکات، ئەگەر حەماس چەک دانەنێت، چەکی پێ دادەنێین". 
دۆناڵد ترەمپ، سەرۆکی ئەمریکا، لە تۆڕی کۆمەڵایەتیی 'تروس' نووسیویەتی: "هەموو بارمتە زیندووەکان وەک ئەوەی پێشبینی دەکرا ئازادکران، بەڵام ئەرکەکە هێشتا تەواو نەبووە و تەرمی هەموو بارمتەکان رادەست نەکراوەته‌وه‌".
وتیشی: "ئێستا قۆناغی دووەمی ئاگربەستی غەززە دەستپێدەکات، ئەگەر حەماس چەک دانەنێت، چەکی پێ دادەنێین، ئەگەر پێویستیش بکات بە شێوەیەکی توندوتیژانە ئەو کارە دەکەین، ئەوان دەزانن کە من لەو بارەوە گاڵته‌ ناکەم".

دەستپێکردنی قۆناغی دووەمی ئاگربەستی غەززە راگەیەندرا

بەرپرسی دەستەی هەڵبژاردنەکانی عێراق لە هەرێم، رایگەیاند، بە مەبەستی بەکارهێنانی قوتابخانەکان وەک بنکەی دەنگدان لە عێراق، لە رۆژی پێنجی مانگی 11 تاکو 13ـی هەمان مانگ، پشووی فەرمی دەبێت. 
ئەمڕۆ سێشەممە، 14-10-2025، نەبەرد عومەر، بەرپرسی دەستەی هەڵبژاردنەکانی عێراق لە هەرێم لە لێدوانێکدا رایگەیاند، سێ ملیۆن و 69 هەزار کەس مافی دەنگدانی هەیە و تاکو ئێستا 150 هەزار کارت دابەشکراوە بەسەر دەنگدەراندا.
ئاماژەی بەوەشکرد، 35 هەزار کەس ناوی گەڕاوەتەوە بۆ کارمەندی سەر سندوقەکانی دەنگدان.
دەشڵێت، بە مەبەستی بەکارهێنانی قوتابخانەکان وەک بنکەی دەنگدان لە عێراق، لە رۆژی پێنجی مانگی 11 تاکو 13ـی هەمان مانگ، پشووی فەرمی دەبێت، بۆ هەرێمیش لەم چەند رۆژەدا بڕیاری لێدەدرێت.

هەشت رۆژ پشوو راگەیەندرا

کۆمسیۆنی باڵای سەربەخۆی هەڵبژاردنەکانی عێراق دەڵێت، تاوەکو ئێستا زیاتر لە یەک ملیۆن و 250 هەزار کارتی بایۆمەتری نوێیان دابەشکردووە. ئەمڕۆ یەکشەممە 12ـی تشرینی یەکەمـی 2025، کۆمسیۆن باسی لەوەکرد، لە رێگەی ناوەندەکانییەوە تا ٨ی مانگی داهاتوو بەردەوام دەبێت لە دابەشکردن، بۆ ئەوەی هەموو دەنگدەران بتوانن کارتی بایۆمەتری خۆیان بەدەستبهێنن و لە هەڵبژاردنی پەرلەمانی عێراق لە 11ـی 11 دەنگ بدەن.
پێشتریش کۆمسیۆنی عێراق بڵاویکردەوە، ئەمساڵ نزیکەی دوو ملیۆن لەدایکبووی 2006 و 2007 مافی دەنگدانیان هەیە. &nbsp;

کۆمسیۆن: زیاتر لە ملیۆنێک کارتی بایۆمەتری نوێ دابەشکراوە

کەشناسی عێراق رایگەیاند، پێشبینی دەکرێت یەکشەممەی هەفتەی داهاتوو لە ناوچە جیاجیاکان باران ببارێت.
ئەمڕۆ هەینی، 10-10-2025، دەستەی کەشناسی عێراق بڵاویکردەوە، پێشبینی دەکرێت یەکشەممەی هەفتەی داهاتوو لە ناوچە جیاجیاکانی هەرێم باران ببارێت.
ئاماژەی بەوەشکرد، بارانەکە هەورەبروسکەشی لەگەڵ دەبێت و لە هەندێک ناوچەی کوردستانیش ئەگەری بارینی لێزمەباران تا نیوەڕۆی رۆژی دواتر هەیە.

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

رۆژهەلاتی ناوەڕاست