لەم ساڵانەی دواییدا، تۆپی پێ گۆڕانکارییەکی ڕیشەیی بەخۆوە بینیوە، ئەگەر جاران تەنها لێهاتوویی یاریزان و تاکتیکی ڕاهێنەر بڕیاردەر بووایە، ئێستا تەکنەلۆژیا و داتا بوونەتە بزوێنەری سەرەکی سەرکەوتن.
یانە گەورەکان وەک (لیڤەرپوول و مانچستەر سیتی) چیتر تەنها بە چاو سەیری یاریزانەکان ناکەن، ئەوان سوود لە زیرەکی دەستکرد وەردەگرن بۆ دۆزینەوەی ئەو یاریزانانەی کە لەگەڵ شێوازی یاری یانەکانیان دەگونجێن، AI دەتوانێت پێشبینی بکات کە ئایا یاریزانێک لە خولێکی جیاوازدا سەرکەوتوو دەبێت یاخود نا، ئەمەش مەترسی بەهەدەردانی ملیۆنان دۆلار کەمدەکاتەوە.
یانە مامناوەندەکانی وەک برایتۆن و برێنتفۆرد لە ئینگلتەرا، بوونەتە نموونەی باڵا لە بەکارهێنانی AI، ئەوان یاریزانێک بە 2 ملیۆن پاوەند دەدۆزنەوە کە هیچ کەس ناوی نەبیستووە، دوای دوو ساڵ بە 100 ملیۆن پاوەند دەیفرۆشنەوە، ژیری دەستکرد شیکردنەوە بۆ هەزاران کاتژمێر ڤیدیۆ و ملیۆنان داتا دەکات بۆ دۆزینەوەی یاریزانێک کە تایبەتمەندییەکانی لەگەڵ شێوازی یانەکە دەگونجێت، پێش ئەوەی یانە گەورەکان پێی بزانن.

پێشبینیکردنی گونجاندن
یەکێک لە گەورەترین کێشەکانی تۆپی پێ ئەوەیە یاریزانێک لە ئەڵمانیا گۆڵکارە، بەڵام کە دێتە ئینگلتەرا شکست دەهێنێت، زیرەکی دەستکرد دەتوانێت هاوشێوەسازی (Simulation) بکات: "ئەگەر ئەم یاریزانە لە خولێکی خێراتر و بەرگرییەکی بەهێزتردا یاری بکات، ئاستی چۆن دەبێت؟". ئەمە وادەکات یانەکان پارەکانیان بە فیڕۆ نەدەن.

کەمکردنەوەی مەترسی پێکان
لە کاتی گواستنەوەدا، AI سەیری مێژووی پزیشکی و جەستەیی یاریزانەکە دەکات، دەتوانێت پێشبینی بکات کە ئایا ئەم یاریزانە لە داهاتوودا ئەگەری تووشبوونی بە پێکانی درێژخایەن چەندە؟ ئەمەش کار دەکاتە سەر نرخی یاریزانەکە لە بازاڕدا.

دیاریکردنی نرخی ڕاستەقینە
زۆرجار یانەکان پارەیەکی زۆر زیادە (Overpriced) دەدەن بە یاریزانێک تەنها لەبەر ناوبانگەکەی، زیرەکی دەستکرد بەبێ لایەنگیری و تەنها بەپێی ئاستی ناو یاریگا، تەمەن، و ماوەی گرێبەستەکەی، نرخێکی دادپەروەرانە بۆ یاریزانەکە دیاری دەکات.

شۆڕشی زیرەکی دەستکرد لە بازاڕی گواستنەوەی یاریزاناندا

ئەمڕۆ جیهانی تۆپی پێ بە هەواڵێکی چاوەڕواننەکراو و هەژێنەر بەخەبەر هات؛ یۆرگن کلۆپ، ئەو ناوەی کە ساڵانێکە وەک داڕێژەر و ئەندازیاری سەرکەوتنەکانی لیڤەرپوول دەناسرێت، تەنها دوای ماوەیەکی کورت لە دەستبەکاربوونی وەک بەڕێوەبەری گشتی تۆپی پێ لە کۆمپانیای ڕێد بۆڵ (Red Bull)، لە پۆستەکەی دوورکەوتووەتەوە. ئەم هەواڵە تەنها گۆڕانکارییەکی کارگێڕی نییە، بەڵکو وەک "بومەلەرزەیەک" وایە بۆ بازاڕی ڕاهێنەران، بەتایبەت کە ڕیاڵ مەدرید لە دوورەوە بە وردی چاودێری دۆخەکە دەکات.
هۆکارەکانی پشت ئەم جیابوونەوەیە چی بوون؟
بەپێی زانیارییەکانی ڕۆژنامەی Salzburger Nachrichtenی نەمسایی، کە یەکێکە لە سەرچاوە هەرە باوەڕپێکراوەکانی نزیک لە کۆمپانیای ڕێد بۆڵ، پڕۆژەی کلۆپ وەک ئەوەی پلانی بۆ داڕێژرابوو سەرکەوتوو نەبوو. چەند خاڵێکی سەرەکی وەک هۆکاری ئەم دوورکەوتنەوەیە باس دەکرێن:
&nbsp;- بەریەککەوتنی دیدگاکان: کلۆپ دەیویست گۆڕانکاری ڕیشەیی لە سیستەمی یاریکردنی یانەکانی (لایپزیگ و ساڵزبۆرگ) بکات، بەڵام کارگێڕی ڕێد بۆڵ پارێزگارییان لە فەلسەفە کۆنەکەی خۆیان دەکرد.

- فشاری هاندەران: لە ئەڵمانیا هاندەرانی خولی بۆندزلیگا بەردەوام ڕەخنەی توندیان لە کلۆپ دەگرت بەهۆی پەیوەندی بە ڕێد بۆڵەوە، ئەمەش کاریگەری دەروونی لەسەر ڕاهێنەرەکە دروست کردبوو.

- خولیای گەڕانەوە: سەرچاوەکان دەڵێن کلۆپ لە کارە کارگێڕییەکان بێزار بووە و "بیری بۆنی چیمەنتۆ و هاواری هاندەران" دەکات.

&nbsp;ڕیاڵ مەدرید وەک ڕاوچییەک لە کەمیندایە
ڕۆژنامە گەورەکانی ئیسپانیا، وەک ئاس (AS) و مارکا (Marca)، دەستبەجێ ئەم هەواڵەیان بەستووەتەوە بە داهاتووی سانتیاگۆ بێرنابیۆوە. سەرەڕای ئەوەی ئۆلیڤەر مینتزلاف، بەڕێوەبەری جێبەجێکاری ڕێد بۆڵ، هەوڵ دەدات دۆخەکە هێور بکاتەوە و دەڵێت: "ئەم هەواڵانە بێ بنەمان و کلۆپ بەشێکە لە پڕۆژەی ئێمە"، بەڵام میدیا ئیسپانییەکان دوپاتی دەکەنەوە کە کار لە کار ترازاوە.
فلۆرێنتینۆ پێرێز، سەرۆکی یانەی ڕیاڵ مەدرید، هەمیشە سەرسامی خۆی بۆ کەسایەتی و وزەی کلۆپ نیشان داوە. لە ئێستادا، ناوی کلۆپ وەک تاکە کاندید دەردەکەوێت کە بتوانێت "کۆنترۆڵی" ئەو هەموو ئەستێرە گەورەیەی وەک (مباپێ، بێلینگهام و ڤینیسیۆس) بکات.

ئایا یۆرگن کلۆپ دەبێتە جێگرەوەی ئەربیلوا؟

ئەگەر تۆ لەو کەسانە بیت کە ئاشقی تۆپێ پێن، بە دڵنیایەوە لە زۆرینەی ئەو یاریانەی کە بە بێژەری عیسام شەوالی بینەری بوویت گوێت لە ناوی هیچکۆک بووە، کاتێک بێژەرەکە گووتیەتی سینارۆییەکی هیچکۆکییە یاخود هیچکۆکیش سینارۆیی وەهای دانەڕشتووە، با بزانین هیچکۆک کێیە و مەبەست لە سیناریۆی هیچکۆکی چییە؟

ئەلفڕێد هیچکۆک دەرهێنەر و سینارستێکی بە ڕەگەز ئینگلیزە و لە لەندەن لە ساڵی 1899 لە دایک بووە پاشان کۆچی کردووە بەرەو ئەمریکا، هیچکۆک بە یەکێک لە مەزنترین دەرهێنەرەکانی مێژووی سینەما و سەدە دادەندرێت لە ساڵی 1980کۆچی دوایی کردووە، فیلمەکانی لە جۆری هەستبزوێن و تاوانکاری و ترسناک و سایکۆلۆجین.

مەبەست لە سینارۆیی هیچکۆکی چییە؟
ئەلفرێد هیچکۆک یەکێکە لەو دەرهێنەرانەی کە بینەر ناتوانن پێشبینی بۆ ڕووداوەکانی فیلمەکانی بکەن، هەروەها هیچکۆک ناسراوە بە پاشای هەستبزوێن، هەمیشە فیلمەکانی پڕیەتی لە ڕووداوی چاوەڕوان نەکراو، هەر بۆیە کاتێک عیسام شەوالی دەڵێت سینارۆیی هیچکۆکی مەبەستی لە هەستبزوێنی یاری و ڕووداوی چاوەڕوان نەکراو و گەورەیە کە لە یارییەکەدا ڕوو دەدەن .

لە دیارترین ئەو فیلمانەی هیچکۆک پێی ناسراوە :
-Psycho 
-The Curtain 
-Vertigo
-Rear Window 
-The 39 Steps 
-The Birds

عیسام شەوالی مەبەستی چییە کاتێک دەڵێت سیناریۆی هیچکۆکی؟

دوێنێ شەو پاش تەواوبوونی گەڕێکی دیکەی یارییەکانی چامپیۆنسلیگ، یانەی ڕیاڵ مەدرید نەیتوانی بە شێوەی ڕاستەوخۆ سەربکەوێت بەڵکو بە شێوازی پلەی ئۆف ڕووبەڕووی یانەی مانچستەر سیتی یاخود یانەی سێڵتیک دەبێتەوە.
یانەی ڕیاڵ مەدرید دوێنێ شەو توانی بردنەوە بەدەست بهێنێت بەرامبەر یانەی برێست بە ئەنجامی سێ گۆڵی بێ بەرامبەر، کە هەریەکە لە جود بێلنگهام توانی گۆڵێک تۆمارد بکات و ڕۆدریگۆێ بەرازیلیش توانی دوو گۆڵ تۆمار بکات، بەڵام بردنەوەی یارییەکە نەبووە فریادڕەسی یانەی ڕیاڵ مەدرید و نەیتوانی بە شێوەیەکی ڕاستەوخۆ سەربکەوێت بۆ قۆناغی داهاتووی چامپیۆنسلیگ، ئەمەش ئەرکی ڕیاڵ مەدریدی قورستر کرد کە دەبێت ڕوبەڕووی یەکێک لە یانەکانی سێڵتیک یاخود مانچستەر سیتی ببێتەوە، ڕیاڵ مەدرید پاڵەوانی وەرزی ڕابردووی چامپیۆنسلیگ، ئەمساڵ وەرزێکی پڕ لە هەوراز و نشێو بەڕێ دەکات بەتایبەتی لە چامپیۆنسلیگدا، ئەمەش بۆتە هۆکاری ناڕەزایەتی هاندەران کە داوادەکەن کارلۆ ئەنچیلۆتی ڕاهێنەری یانەکە لە پۆستەکەی دوربخرێتەوە چونکە بە بەشێک لە هۆکاری شکستەکانی یانەی ڕیاڵ مەدریدی دەزانن، لە لایەکی دیکەوە خراپی ئاستی باڵەکانی یانەی ڕیاڵ مەدرید بۆتە هۆکاری نیگەرانیەکی زۆر، بە پێی لێکدانەوەی شیکەرەوەکانی تۆپی پێ، هۆکاری خراپی ئاستی ئەمساڵ دەگەرێنەوە بۆ چەند هۆکارێک یەکێک لەوانە خراپی ئاستی باڵەکانی یانەکە و ڕاهێنەرەکەیەتی، ئەمەش لە کاتێکدایە ڕکابەرە سەرسەختەکەی کە یانەی بارسێلۆنایە بە ئاستێکی نموونەیدا تێپەڕ دەبێت ئەم وەرزە.
دەبێت ئەوەش لەبەرچاو بگیرێت کە لە پێشوودا ڕیاڵ مەدرید بە هەمان قۆناغی سەختی وەک ئەم وەرزەی چامپیۆنسلیگدا تێپەڕبووە و لە کۆتایدا توانیویەتی نازناوی چامپیۆنسلیگ بەدەست بهێنێت.

داهاتووی ڕیاڵ مەدرید لەم وەرزەی چامپیۆنسلیگ نادیارە

 گرنگترین 5 گرێبەستی خولی ئیسپانیا بۆ وەرزی 2023-2024 کە یانەکان ئەنجامیان داون..

کێشەی نێوان ئێمباپێ و پاریس سانجێرمان...

ڕۆناڵدۆ دژی لیۆ مێسی چەند لێدوانێکیدا..

لە نێوان مێسی و ئێمباپێ و هالاند کامیان شایستەی باڵۆن دۆرە.. 

دەزانیت XG چیە؟؟

ئاردا گولەر کێییە؟؟؟

ئایا کریستیانۆ ڕۆناڵدۆ بۆتە موسڵمان؟؟؟

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

ڕاپۆرتی وەرزشی