دوورگەی هاوای کە بە دوورگەی گەورە ناسراوە، یەکێکە لە سەرنجڕاکێشترین ناوچەی سەر گۆی زەوی، ئەم دوورگەیە نەک تەنها بەهۆی دیمەنە سروشتییەکان، بەڵکو بەهۆی تایبەتمەندییە زانستی و جوگرافییەکانیشیەوە هەمیشە جێگەی سەرنج بووە.
 
1- گەورەترین چیای جیهان لێرەیە زۆر کەس وا دەزانن چیای ئێڤرێست بەرزترین چیایە، بەڵام ئەگەر لە بنی ئۆقیانووسەوە هەژماری بکەین، چیای ماونا کیا لە هاوای بەرزترینی جیهانە،بەرزییەکەی لە بنی دەریاوە دەگاتە زیاتر لە 10,000 مەتر، کە نزیکەی 4,207مەتری لەسەر ئاستی دەریادایە.
 
2- لانکەی چالاکترین گڕکانەکان هاوای شوێنی گڕکانی کیلۆیایە، کە بە یەکێک لە چالاکترین گڕکانەکانی جیهان دادەنرێت. ئەم گڕکانە لە ساڵی 1983وە بە بەردەوامی دەسوتێت سارد دەبێتەوە لە هەمان کاتدا بەهۆی ساردبوونەوەی لاڤاکانەوە، ڕووبەری دوورگەکە ساڵانە زیاد دەکات.
 
3- هەمەجۆریی کەشوهەوا ئەوەی وای کردووە هاوای بێوێنە بێت، ئەوەیە کە لە کۆی 13 ناوچەی کەشوهەوای جیهان، 10 ناوچەیان لەم دوورگەیەدا بوونی هەیە، تۆ دەتوانیت لە یەک ڕۆژدا هەم لە کەناراوە گەرمەکان مەلە بکەیت و هەم لە لوتکەی چیاکاندا بەفر ببینی.
 
4- خاک و ژینگەیەکی دەوڵەمەند بەهۆی لاڤای گڕکانەکانەوە، خاکی هاوای یەکێکە لە بەپیتترین خاکەکانی جیهان، ئەمەش وایکردووە تەنها شوێن بێت لە ئەمریکا کە تێیدا قاوە، کاکاو و دارخورما بە شێوەیەکی بازرگانی بچێنرێت، بەتایبەتی قاوەی کۆنا یەکێکە لە گرانترین و بەناوبانگترین جۆرەکانی قاوە لە جیهاندا.
 
5- جیاوازییەکی کلتووری و زمانەوانی زمانی هاوایی تەنها لە 13 پیت پێکدێت (5 پیتی دەنگدار و 8 پیتی بێ دەنگ). هەروەها وشەی ئالۆها تەنها بۆ سڵاوکردن نییە، بەڵکو بە واتای خۆشەویستی، ئاشتی و هاوسەنگیی ژیانیش دێت. 6- دورگەی هاوای لە جوڵەدایە دوورگەی هاوای ساڵانە بە دووری نزیکەی 7 سانتیمەتر بەرەو لای باکوور (بەرەو ژاپۆن) دەجوڵێت، ئەمەش بەهۆی جوڵەی پلێتە تێکتۆنییەکانی زەوییەوەیە. دوورگەی هاوای تەنها پارچە زەوییەکی ئاسایی نییە، بەڵکو گەوهەرێکی دوورەدەستە لە ناو جەرگەی ئۆقیانووسی هێمن، ئەم دوورگەیە دەکەوێتە دوورییەکی زۆر لە وشکانییەکانی دەوروبەری، بە نزیکەی 3 هەزار و 800 کیلۆمەتر لە کەناراوەکانی کالیفۆرنیا و 6 هەزار و 195 کیلۆمەتر لە وڵاتی ژاپۆنەوە دوورە, ئەم شوێنە ستراتیژی و گۆشەگیرییە جوگرافییەی وایکردووە ببێتە یەکێک لە دابڕاوترین و دەگمەنترین ناوچەکانی جیهان لە ڕووی ژینگەیی و کلتوورییەوە, هاوای بەهۆی ئەوەی لە ناوەڕاستی ئۆقیانووسەکەدایە، وەک پردێکی سروشتی لە نێوان ڕۆژهەڵات و ڕۆژئاوا دەردەکەوێت و جوانییەکی بێوێنەی بەخشیوە بە نەخشەی گەردوون، کە تێیدا ئاگر و ئاو لە یەک شوێندا کۆدەبنەوە.

شەش زانیاری سەرنجڕاکێش دەربارەی دوورگەی هاوای

نێتفلێکس (Netflix) کۆمپانیایەکی ئەمریکییە بۆ کات بەسەربردن و میدیای دیجیتاڵی، کە بنکە سەرەکییەکەی لە کالیفۆرنیایە، ئەم کۆمپانیایە گەورەترین سەکۆی پەخشی ڕاستەوخۆیە لە جیهاندا کە ڕێگە بە بەشداربووانی دەدات لە ڕێگەی ئینتەرنێتەوە تەماشای کۆمەڵەیەکی یەکجار زۆر و هەمەجۆر لە فیلم، زنجیرە، دۆکیومێنتاری و ئەنیمەیشن بکەن. 10 زانیاری سەرنجڕاکێش دەربارەی نێتفلێکس : 
1- نێتفلێکس تەمەنی دیجیتاڵی لە گووگڵ زیاترە: زۆر کەس پێیان وایە نێتفلێکس کۆمپانیایەکی نوێیە، بەڵام لە ڕاستیدا لە ساڵی 1997 دامەزراوە، واتە ساڵێک پێش دامەزراندنی کۆمپانیای گووگڵ، لە سەرەتادا کاری سەرەکی نێتفلێکس تەنها ناردنی دی ڤی دی بوو لە ڕێگەی پۆستەوە. 
2- بڵۆکبەستەر هەلی کڕینی نێتفلێکسی لەدەستدا: لە ساڵی 2000دا، دامەزرێنەرانی نێتفلێکس پێشنیاریان کرد کۆمپانیاکە بە 50 ملیۆن دۆلار بفرۆشنە کۆمپانیای بڵۆکبەستەر (کە ئەو کات گەورەترین بوو)، بەڵام بەڕێوبەری بڵۆکبەستەر بەم پێشنیارە پێکەنی و ڕەتی کردەوە, ئێستا بڵۆکبەستەر نەماوە و نێتفلێکس سالانە سەدان ملیار دۆلار قازانج دەکات. 
3- تاقیکردنەوەی تیۆری پشێوی: نێتفلێکس سیستەمێکی سۆفتوێری هەیە بەناوی Chaos Monkey, ئیشی ئەم سیستەمە ئەوەیە کە بە ئەنقەست سێرڤەرەکانی نێتفلێکس تێکدەدات بۆ ئەوەی بزانن ئایا ئەندازیارەکان دەتوانن بە خێرایی چاکی بکەنەوە بێ ئەوەی بەکارهێنەران هەستی پێ بکەن، ئەمەش وایکردووە سەکۆکە زۆر جێگیر بێت. 
4- کۆدە شاراوەکان: نێتفلێکس خاوەنی هەزاران پۆلێنکردنی (Category) شاراوەیە کە لە ڕووکاری سەرەکی دیار نین، بە بەکارهێنانی کۆدی تایبەت لە ناو براوسەردا، دەتوانیت بچیتە ناو لیستە زۆر وردەکان، بۆ نموونە "فیلمە ترسناکەکانی ناو دەریا" یان "ئەنیمییە خەیاڵییەکان بۆ تەمەنی 11بۆ 12ساڵ". 
5- سیستەمی پێشنیارکردن: نێتفلێکس ساڵانە زیاتر لە یەک ملیار دۆلار خەرج دەکات تەنها بۆ باشترکردنی ئەو سیستەمەی کە پێشنیاری فیلمت بۆ دەکات, نزیکەی 80٪ـی ئەو بەرهەمانەی خەڵک تەماشای دەکەن لە ڕێگەی پێشنیارەکانەوەیە نەک گەڕانی ڕاستەوخۆ. 
6- نێتفلێکس و ئینتەرنێتی جیهان: لە کاتە پڕ جەنجاڵەکاندا (Peak hours)، ترافیکی نێتفلێکس بە تەنها نزیکەی 15٪ بۆ 20٪ـی هەموو ترافیکی ئینتەرنێتی جیهان پێکدەهێنێت، ئەمە ئەندازەیەکی خەیاڵییە لە داتا کە بە کەیبڵە دەریاییەکاندا تێپەڕ دەبێت. 
7- کاتی زۆری بینین: بەپێی ئامارەکان، بەکارهێنەری ناوەندی نێتفلێکس ساڵانە نزیکەی 600 کاتژمێر تەماشای ناوەڕۆکەکانی نێتفلێکس دەکا، ئەمە یەکسانە بە 25 ڕۆژی تەواو لە ساڵێکدا. 
8- ناوی نێتفلێکس لە چییەوە هاتووە: ناوەکە تێکەڵەیەکە لە دوو وشە، Net کورتکراوەی Internet، و Flix کە وشەیەکی سەردەمیانەی ئینگلیزییە بۆ وشەی Flicks کە بە واتای فیلم دێت. 
9- یەکەم بەرهەمی نێتفلێکس: زۆر کەس وا دەزانن زنجیرەی House of Cards یەکەم بەرهەمی ئەوانە، بەڵام لە ڕاستیدا یەکەم بەرهەمی نێتفلێکس فیلمێکی تاقیکاری کورت بوو بەناوی Example Show لە ساڵی 2011، تەنها بۆ تاقیکردنەوەی کوالێتی وێنە و دەنگ دروستیان کردبوو. 
10- کاریگەری لەسەر خەو: بەڕێوبەری جێبەجێکاری نێتفلێکس جارێک لە چاوپێکەوتنێکدا گووتی: "گەورەترین ڕکابەری ئێمە خەوە"،مەبەستی ئەوە بوو کە نێتفلێکس هەوڵ دەدات ناوەڕۆکەکانی هێندە سەرنجڕاکێش بن کە بینەران کاتی خەوتنیان بۆ دابین بکەن تەنها بۆ بینینی یەک ئەڵقەی دیکە.

10 زانیاری سەرنجڕاکێش دەربارەی نێتفلێکس

وێنەیەکی ڕەنگاوڕەنگکراوی دەستی جەنگاوەرانی سامۆرای لە ساڵی 1860.
وێنەکە وێنەیەکی ڕەسەنی فۆتۆگرافەر ( بێیاتۆ فێلیچێ )ـیە، کە مێژووەکەی دەگەڕێتەوە بۆ ساڵانی 1860.
بێیاتۆ فێلیچێ فۆتۆگرافەرێکی بەریتانی بە ڕەچەڵەک ئیتاڵییە، یەکێک بوو لە یەکەمین ئەو کەسانەی کە چوونە ناو ژاپۆن و فۆتۆگرافی راستەقینەی سامۆرایان دەگرت.
جەنگاوەرەکانی ناو وێنەکە جلوبەرگی نەریتی جۆراوجۆریان لەبەردایە، لە لای ڕاستەوە: جەنگاوەرێک کە ناگیناتا (تیغێک کە لەسەر دارێکی درێژ جیگیردەکرێت) هەڵگرتووە، لە ناوەڕاست و لە لای چەپەوە: جەنگاوەرەکان کە زرێپۆشی (ئۆکاشی – گۆسۆکو)ـیان لەبەردایە و شمشێری ( کاتانا )ـی درێژ و ( واکیزاشی ) کورتیان هەڵگرتووە، سەبارەت بە دەمامک و کڵاوەکان، وەکو دەردەکەوێت کابوتۆ و مێنپۆ (ماسکی دەموچاو)ـیان پۆشیوە کە بۆ تۆقاندن و پاراستنی سامۆرای بەرکادێت.
سامۆراییەکان لە ساڵی 1876ـدا بە فەرمی وەک چینێکی سەربازی هەڵوەشێنرانەوە و قەدەغەکرابوو کە شمشێر هەڵبگرن لە شوێنی گشتیدا، لە ساڵی 1880ـدا سامۆرای وەک هێزێکی شەڕکەر نەمابوون، بەڵکو گۆڕابوو بۆ هاووڵاتییەکی ئاسایی یان ئەفسەری سوپای مۆدێرنی ژاپۆن.
بێیاتۆ فێلیچێ پێشەنگ بوو لە تەکنیکەکانی ڕەنگکردنی دەستی، بەو پێیەی لەو کاتەدا لە ڕووی تەکنیکییەوە وێنەگرتنی ڕەنگاوڕەنگ نەدەکرا و کامێراکان تەنها بە رەنگی ڕەش و سپی وێنەکانیان نیشان دەدا، فێلیچێ بۆیەی ڕەنگاوڕەنگی ئاویی ژاپۆنی بەکاردەهێنا بۆ ئەوەی بە وردی وێنە ڕەسەنەکان بە دەستیی ڕەنگ بکات، ئەمەش لە وردی ڕەنگەکانی ناو زرێپۆش و جلوبەرگەکاندا دەردەکەوێت.

وێنەیەکی ڕەنگاوڕەنگکراوی دەستی جەنگاوەرانی سامۆرای لە ساڵی 1860

هەندێک کات ڕاستی نامۆترە لە خەیاڵ

لە مانگی تەمموزی 2021ـدا، دەزگای ئاسایشی ئۆکرانیا (SBU) هەڵیکوتایە سەر کۆگایەک لە شاری ڤینیتسیا و دەستیان بەسەر نزیکەی 3800 کۆنسۆلی پلەیستەیشن 4 و 500 کارتی گرافیک و 50 پڕۆسێسەردا گرت، کاتێک پۆلیسەکان بۆ یەکەمجار شوێنەکەیان بینی کە ڕەفە لەسەر ڕەفە ئامێر و کێبڵی کارەبایی گەورەیان بینی پێیان وابوو کە کێڵگەیەکی گەورەی نایاسایی دراوی کریپتۆیە، هەربۆیە بە ئاشکرا ڕایانگەیاند کە دەستیان گرتووە بەسەر کێڵگەیەکی گەورەی نایاسایی دراوی کریپتۆ.


دوای ماوەیەکی کەم لە هەڵمەتەکە، ڕۆژنامەنووسان سەرنجیان دا شتێکی سەیر لە وێنە فەرمییەکانی پۆلیسدا هەیە کە ئەویش بوونی زۆرێک لە کۆنسۆڵی PS4 کە دیسکی یارییان تێدابووە.

دوا بەدوای لێکۆڵینەوەی زیاتر لەم ڕووداوە، دەرکەوت کە ئەمە کێڵگەی بیتکۆین نییە. بەڵکو "کێڵگەی بۆت"ـێکی گەورەی فیفا ئەلتیمێت تیم (FUT) بوو.

کۆنسۆڵەکان ڕێکخرابوو بۆ ئەوەی یارییەکان بە شێوەیەکی ئۆتۆماتیکی هەموو ڕۆژێک بۆ ماوەی 24 کاتژمێر یاری بکەن بە بەکارهێنانی بۆتەکان بۆ بەدەستهێنانی دراوی ناو یارییەکە (دراوی FUT).

کاتێک ئەکاونتێک بڕێکی زۆر دراو یان کارتی یاریزانی دەگمەنی دەبوو، تەواوی ئەکاونتەکە یان دراوەکان لە بازاڕی ڕەشدا دەفرۆشت بە پارەی ڕاستەقینە.

هۆکاری ئاشکرابوونی پڕۆسەکەیان دەگەڕێتەوە بۆ دزینی کارەبای تۆڕی کارەبای ناوخۆیی کە (بە بەهای 250 هەزار دۆلار کارەبای دزراو لە مانگێکدا مەزەندە دەکرێت)، تێچووی سەرەکی ئەم کارەیان نزیکەی سفر بوو، ئەمەش وایکرد بازرگانی "تۆپی پێی دیجیتاڵی" قازانجێکی سەرسورهێنەرانەی هەبێت.

هەندێک کات ڕاستی نامۆترە لە خەیاڵ

خەواندنی موگناتیزی لە زانستی دەروونناسی مۆدێرندا وەک بارودۆخێکی دەستکاریکراوی هۆشیاری پێناسە دەکرێت کە تێیدا سەرنجدانی کەسەکە دەگاتە بەرزترین ئاست، توێژینەوە تاقیگەییەکان دەریانخستووە کە ئەم دیاردەیە تەنها نواندن نییە، بەڵکو گۆڕانکارییەکی فیسیۆلۆژی ڕاستەقینەیە لە چالاکییەکانی مێشکدا.
میکانیزمی بایۆلۆژی و شەپۆلەکانی مێشک: توێژینەوەکان کە لە ڕێگەی هێڵکاری مێشک (EEG) ئەنجام دراون، دەری دەخەن کە لە کاتی خەواندنی موگناتیزیدا، مێشک لە شەپۆلی بێتاوە (کە تایبەتە بە ئاگایی ڕۆژانە) دەگۆڕێت بۆ شەپۆلی ئەلفا و سیت،. ئەم شەپۆلانە پەیوەندییان بە خەیاڵکردنی قووڵ و کەمبوونەوەی فلتەرە لۆجیکییەکانی مێشکەوە هەیە، ئەمەش وا دەکات مێشکی نائاگا ئامادەی وەرگرتنی زانیاری و ڕێنمایی نوێ بێت.
ئەنجامی توێژینەوەکانی وێنەگرتنی مێشک (MRI): یەکێک لە گرنگترین توێژینەوەکان کە لە زانکۆی ستانفۆرد ئەنجام دراوە، دەریخستووە کە لە کاتی ئەم بارودۆخەدا سێ گۆڕانکاری سەرەکی لە مێشکدا ڕوودەدەن: 1- کەمبوونەوەی چالاکی لە ناوچەی (Dorsal Anterior Cingulate)، کە بەرپرسە لە وردبوونەوە لە دەوروبەر، ئەمەش وا دەکات کەسەکە تەنها لەسەر یەک شت چڕ ببێتەوە. 2- زیادبوونی پەیوەندی نێوان ناوچەی کۆنتڕۆڵی جەستە و ناوچەکانی هەستکردن، ئەمەش ڕوونی دەکاتەوە بۆچی مرۆڤ دەتوانێت لەم بارودۆخەدا ئازاری جەستەیی کۆنتڕۆڵ بکات 3- کەمبوونەوەی پەیوەندی نێوان ئەو ناوچانەی مێشک کە بەرپرسن لە ئەنجامدانی کارەکان و ئەو ناوچانەی کە ئاگاداری کردارەکانن. ئەم گۆڕانکارییە زانستییە ڕوونی دەکاتەوە بۆچی کەسەکە لە کاتی خەواندنی موگناتیزیدا کارەکان ئەنجام دەدات بەبێ ئەوەی بە شێوەیەکی هۆشیارانە بیر لەوە بکاتەوە کە کێ ئەو کارە دەکات. ئەمە وەک جۆرێک لە لێکترازان یان جیاکاری لە نێوان "کردار" و "ئاگایی لە کردارەکە" کار دەکات، کە یارمەتیدەرە بۆ جێبەجێکردنی پێشنیارە پزیشکییەکان بەبێ بەرگرییە لۆجیکییەکانی مێشک. .
خەواندنی موگناتیزی وەک ئامرازی چارەسەری (Hypnotherapy): توێژینەوە کلینیکییەکان کە لە گۆڤارە زانستییەکانی وەک (The Lancet) بڵاوکراونەتەوە، دەیسەلمێنن کە ئەم تەکنیکە لە چەند بوارێکدا سەرکەوتنی بەدەستهێناوە: 1- جڵەوگیری ئازار: توێژینەوەکان دەری دەخەن کە خەواندنی موگناتیزی دەتوانێت نیشانەکانی ئازار لە مێشکدا کەم بکاتەوە، تەنانەت لە هەندێک بارودۆخدا وەک جێگرەوەی سڕکەرە کیمیاییەکان بەکار هاتووە. 2- چارەسەری تێکچوونە دەروونییەکان: توێژینەوەکان ئاماژە بەوە دەکەن کە تێکەڵکردنی خەواندنی موگناتیزی لەگەڵ چارەسەری ڕەفتاری (CBT)، خێرایی چاکبوونەوەی نەخۆش لە دڵەڕاوکێ و ترس بە ڕێژەی ٪70زیاد دەکات. سەرچاوە پشتگیرەکان: 


Jiang, H., White, M. P., Greicius, M. D., Waelde, L. C., &amp; Spiegel, D. (2017). "Brain Activity and Connectivity Accompanying Hallucinations in Hypnosis." Cerebral Cortex.
Stanford Medicine News. "Study identifies brain areas altered during hypnotic trances." Stanford University School of Medicine.
Jensen, M. P., &amp; Patterson, D. R. "Hypnotic approaches for chronic pain management: Clinical implications of recent research findings." American Psychologist.
The Lancet. "Hypnosis in contemporary medicine: A review of clinical applications for pain and anxiety management." The Lancet Journal.
Nature Reviews Neuroscience. "The neurobiology of suggestion and its role in therapeutic hypnosis." Nature Research.
American Psychological Association (APA). "Hypnosis: Scientific findings and clinical applications." APA Division 30.&nbsp;

خەواندنی موگناتیزی چییە؟

بۆ چەندین ساڵ، کاتژمێرە هۆشمەندەکان تەنها وەک "شاشەیەکی دووەم" بۆ مۆبایلەکان دەبینران، ئامێرێکی سادە بۆ بینینی نۆتیفیکەیشن و ژماردنی هەنگاوەکان، بەڵام لە ساڵی 2026ـدا، ئەم وێنایە بە تەواوی گۆڕاوە، ئێستا کاتژمێرەکان لە ئامێرێکی جوانکارییەوە بوونەتە "سیستەمێکی پێشبینیکەری تەندروستی" (Predictive Health System) کە پێش ئەوەی تۆ هەست بە ئازار بکەیت، کاتژمێرەکان هەست بە مەترسی دەکەن، هەروەها چەندین تایبەتمەندی سەرسورهینەریان هەیە لەو تایبەتمەندیانە:

ئاگادارکردنەوەی پێشوەختە بۆ جەڵتەی دڵ و مێشک
بەهۆی چاودێریکردنی وردی لێدانی دڵ (ECG) و ئاستی ئۆکسجین، زیرەکی دەستکردی ناو کاتژمێرەکان دەتوانێت گۆڕانکارییە زۆر وردەکان بناسێتەوە، ئەگەر نیشانەیەکی سەرەتایی جەڵتە هەبێت، کاتژمێرەکە چەند کاتژمێرێک پێشتر ئاگادارت دەکاتەوە و تەنانەت دەتوانێت شوێنەکەت بۆ سەنتەری فریاکەوتن بنێرێت. 
هەستەوەری فۆتۆنیک (Photonic Sensors) بۆ شەکرە
ئەمە ئەو تەکنەلۆژیایەیە کە ڕێگە دەدات بە پێوانی شەکری خوێن بێ کونکردنی پەنجە، کاتژمێرەکە تیشکێکی لێزەری زۆر دەخاتە سەر پێست و لە ڕێگەی کارلێکی تیشکەکە لەگەڵ گەردەکانی گلوکۆز لە ژێر پێستدا، ئاستی شەکرەکە دیاری دەکات. 

پێوانەکردنی فشاری خوێن (Blood Pressure)
کاتژمێرەکان لە ڕێگەی خێرایی گەیشتنی لێدانی دڵ بۆ مەچەک (Pulse Transit Time)، فشاری خوێن بە وردی دەپێون و بەدرێژایی ڕۆژ چاودێری دەکەن. 
سیستەمی "پاسەوانی جەڵتە" (Stroke &amp; Heart Attack Guard)
بەهۆی بەکارهێنانی زیرەکی دەستکردی ناوەکی (On-device AI)، کاتژمێرەکە چاودێری "لەرەلەری دەمارەکان" دەکات، لە ساڵی 2026دا، ئەم ئامێرانە دەتوانن نیشانەکانی جەڵتەی مێشک (وەک تێکچوونی هاوسەنگی یان لێڵبوونی بینین کە بە هەستەوەرەکان هەستی پێ دەکرێت) دەستنیشان بکەن و دەستبەجێ بەشیوەی خودکارانە پەیوەندی بە فریاکەوتنەوە بکەن. 
چاودێری "هەوکردنی بێدەنگ" (Silent Inflammation Tracking)
هەوکردن یەکیکە لە کلیلەکانی نەخۆشییەکانی دڵ، کاتژمێرە نوێیەکان دەتوانن لە ڕێگەی پلەی گەرمی وردی جەستە و گۆڕانکاری لە لێدانی دڵ لە کاتی پشوودا (HRV)، ئاستی هەوکردنی ناوەکی جەستە بپێون، ئەگەر جەستەت لەژێر سترێسێکی بایۆلۆژیدا بێت، کاتژمێرەکە پێت دەڵێت: "ئەمڕۆ پشوو بدە، جەستەت خەریکی شەڕە لەگەڵ هەوکردن".
&nbsp;
شیکاریی بایۆمارکەرس (Biomarkers) لە ڕێگەی ئارەقەوە
ئەمە یەکێکە لە سەرسوڕهێنەرترین تایبەتمەندییەکان، کاتژمێرەکە لە ڕێگەی کونیلە بچووکەکانی پشتەوەی، بڕێکی زۆر کەم لە ئارەقەی جەستە هەڵدەمژێت و شیکاری بۆ دەکات، دەتوانێت بزانێت ئایا جەستەت تینووە (Dehydration)، یان ئاستی پۆتاسیۆم و سۆدیۆمت چەندە، کە ئەمانە ڕاستەوخۆ پەیوەندییان بە کارکردنی دڵەوە هەیە. 
پەیوەندی ڕاستەوخۆ لەگەڵ "دووانەی دیجیتاڵی" (Digital Twin)
هەموو ئەو داتایانەی کاتژمێرەکە کۆیان دەکاتەوە، ڕاستەوخۆ دەچنە ناو پرۆفایلی پزیشکیی تۆوە، لەوێ زیرەکی دەستکرد "کۆپییەکی دیجیتاڵیی جەستەت" نیشان دەدات، بۆ نموونە دەتوانیت لەسەر مۆبایلەکەت ببینی کە چۆن خواردنی ژەمێکی پڕ لە شەکر، کاریگەری کردووەتە سەر لێدانی دڵت و فشاری خوێنت لەو ساتەدا. 

چاودێری وردی خەو و هەناسەدان
جگە لە پێوانی کاتەکانی خەو، کاتژمێرەکان دەتوانن نەخۆشی "تەنگەهەناسەی خەو" (Sleep Apnea) دەستنیشان بکەن و پێشنیاری وردت بدەنێ بۆ ئەوەی چۆن کوالێتی خەوت باشتر بکەیت تا مێشکت باشتر پشوو بدات. 

باشترین کاتژمێرەکانی ساڵی 2026:

1-کاتژمێری Apple Watch Series 11 (مۆدێلی Ultra 3)
تایبەتمەندییە هەرە گرنگەکەی جێگیرکردنی هەستەوەری"Bio-Laser" کە دەتوانێت بێ کونکردن، ئاستی شەکری خوێن بپێوێت، هەروەها خاوەنی سیستەمی Vitals AIیە کە پێشبینی جەڵتەی دڵ دەکات چەند کاتژمێرێک پێش ڕوودانی.
2- کاتژمێری Samsung Galaxy Watch 8 Pro
سامسۆنگ لە ساڵی 2026دا جەختی کردووەتەوە سەر "میتابۆلیزم", ئەم کاتژمێرە هەستەوەرێکی نوێی تێدایە کە شیکاریی بۆ پێکهاتە کیمیاییەکانی ئارەقە دەکات و ڕاستەوخۆ پێ پێ دەڵێت کام جۆری خۆراک بۆ جەستەی تۆ باشە و کامەیان دەبێتە هۆی هەوکردنی ناوەکی.
3- کاتژمێری Huawei Watch Ultimate 2 (وەشانی تەندروستی)
هواوی لە بواری پێوانی فشاری خوێندا پێش هەمووان کەوتووە, ئەم کاتژمێرە سیستەمی Micro-Pumpی تێدایە لەناو قایشەکەیدا کە وەک ئامێری پزیشکی، قایشەکە توند دەکات و فشاری خوێنت بە وردییەکی بێوێنە دەپێوێت.
4- کاتژمێری Google Pixel Watch 4
گووگڵ زیاتر کار لەسەر "تەندروستیی دەروونی" دەکات, ئەم کاتژمێرە لە ڕێگەی پێوانی بەردەوامی هۆرمۆنی کۆرتیزۆڵ (Cortisol) دەتوانێت ئاستی سترێس و خەمۆکیی بەکارهێنەر دیاری بکات و لە کاتی پێویستدا ڕێنمایی پزیشکیی خێرا پێشکەش بکات.
5- کاتژمێری Garmin Fenix 8 Solar
باشترین بژاردەیە بۆ وەرزشوانانی ساڵی 2026, ئەم کاتژمێرە دەتوانێت ڕێژەی لاکتیک ئەسید (Lactic Acid) لە ناو خوێندا بپێوێت لە کاتی ڕاکردن و وەرزشدا، ئەمەش یارمەتی وەرزشوانان دەدات بزانن کەی کاتی وەستان و پشوودانە بۆ ئەوەی زیان بە دڵیان نەگات. 
بەپێی ئامار و توێژینەوە پزیشکییەکانی ساڵانی دوایی، بەتایبەت لەم قۆناغەی ساڵی 2026 کە تەکنەلۆژیا گەیشتووەتە لوتکە، کاتژمێرە هۆشمەندەکان کاریگەرییەکی "ژمارەیی" بەرچاویان لەسەر ڕزگارکردنی ژیان و باشترکردنی تەندروستی هەبووە.
لێرەدا گرنگترین ئامارەکان دەخەینە ڕوو کە سوودبەخشیی ئەم ئامێرانە دەسەلمێنن:
1-کەمکردنەوەی مردنی کتوپڕ بە جەڵتە
ئامارە پزیشکییەکان ئاماژە بەوە دەدەن کە ئەو کەسانەی کاتژمێری هۆشمەندیان بەستووە، ڕێژەی ڕزگاربوونیان لە جەڵتەی کتوپڕی دڵ %35 زیاتر بووە, ئەمەش بەهۆی ئەوەی کاتژمێرەکە لە کاتی وەستانی لێدانی دڵ یان تێکچوونی کتوپڕ (Atrial Fibrillation)، دەستبەجێ پەیوەندی بە فریاکەوتنەوە دەکات و شوێنی نەخۆشەکە (GPS) دەنێرێت.
2-دەستنیشانکردنی پێشوەختەی نەخۆشییەکان
بەپێی ڕاپۆرتە تەندروستییەکانی ساڵی 2025-2026:
%40ـی ئەو کەسانەی کێشەی سستبوونی دڵیان هەبووە، پێش ئەوەی خۆیان هەست بە نیشانەکان بکەن، کاتژمێرەکانیان ئاگاداری کردوونەتەوە کە لێدانی دڵیان ناتەواوە.
لە تووشبووانی شەکرەدا، بەکارهێنانی هەستەوەرە نوێیەکانی کاتژمێر بووەتە هۆی کەمکردنەوەی %25ـی حاڵەتەکانی "کۆمای شەکرە"، چونکە کاتژمێرەکە پێش وەختە ئاگاداریان دەکاتەوە لە دابەزینی مەترسیداری ئاستی شەکر.
3-باشترکردنی چالاکی جەستەیی
ئامارەکان دەری دەخەن ئەو کەسانەی کاتژمێر بەکاردەهێنن، بە ڕێژەی %27 زیاتر لە کەسانی ئاسایی پابەندی وەرزش و جووڵەی ڕۆژانەن, تەنها هەبوونی "ئامانجێکی ژمارەیی" لەسەر مەچەک، وای کردووە تێکڕای هەنگاوەکان لە جیهاندا بە ڕێژەی 1500 هەنگاو بۆ هەر کەسێک زیاد بکات.
4-ڕێگری لە جەڵتەی مێشک (Stroke)
بەهۆی پێوانەکردنی بەردەوامی فشاری خوێن لە مۆدێلە نوێیەکانی وەک (Samsung Galaxy Watch 8) و (Huawei Watch Ultimate)، ڕێژەی جەڵتەی مێشک لە نێوان بەکارهێنەرانی ئەم ئامێرانەدا %18کەمی کردووە، چونکە نەخۆشەکان پێش ئەوەی فشارەکەیان بگاتە ئاستی مەترسیدار، لە ڕێگەی کاتژمێرەکەوە دەیزانن و دەرمان وەردەگرن.
5- کوالێتی خەو و تەندروستی دەروونی
لە ساڵی 2026دا، ئامارەکان دەری دەخەن کە ئەو کەسانەی چاودێری خەویان دەکەن لە ڕێگەی کاتژمێرەوە، توانیویانە بە تێکڕا 45 خولەک خەوی قووڵ (Deep Sleep) زیاد بکەن, هەروەها ئامارەکان دەڵێن کاتژمێرەکان لە %60ـی حاڵەتەکاندا توانیویانە پێشوەختە نیشانەکانی سترێسی توند بناسنەوە و ڕێگری لە "تۆقینی دەروونی" (Panic Attack) بکەن.
دەرئەنجام:
ئامارەکان دەڵێن کاتژمێری هۆشمەند چیتر بۆ جوانی نییە، بەڵکو ئامارەکان دەیسەلمێنن کە بەستنی کاتژمێرێکی هۆشمەند لە ساڵی 2026دا، ئەگەری ژیانێکی درێژتر و تەندروستتر بە ڕێژەی %20 زیاد دەکات. 

سەرچاوە پشتگیرەکان:
Scientific References (English)
1. On Non-invasive Glucose Monitoring (Photonic Sensors):
Nature Biomedical Engineering: "Next-generation photonic sensors for continuous non-invasive glucose monitoring."
IEEE Sensors Journal: "Optical techniques for non-invasive blood glucose sensing: A review of recent advances."
2. On Biomarkers and Sweat Analysis:
Science Advances: "Wearable sweat sensors for monitoring health and personalized medicine."
ACS Sensors: "Microfluidic platforms in smartwatches for real-time sweat biomarker analysis."
3. On Cardiovascular Risk and AI Prediction (Heart Attack &amp; Stroke):
The Lancet Digital Health: "Artificial intelligence in wearable devices for the early detection of atrial fibrillation and heart failure."
Journal of the American College of Cardiology (JACC): "The role of wearable devices in the primary prevention of cardiovascular diseases."
4. On Blood Pressure and Cuffless Tracking:
Nature Reviews Cardiology: "The future of blood pressure monitoring: From traditional cuffs to wearable sensors.
Journal of Personalized Medicine: "Accuracy and clinical utility of cuffless blood pressure measurement in smart wearables."
5. On Digital Twins and Predictive Health:
NPJ Digital Medicine: "Digital twins in personalized medicine: Utilizing wearable data for predictive health modeling."
Frontiers in Digital Health: "Integrating wearable sensor data into the digital twin framework for chronic disease management."&nbsp;

کاتژمێرە زیرەکەکانی2026 تەنها لێدانی دڵ ناپێون

کاتێک باس لە گەشتکردن بۆ بۆشایی ئاسمان دەکرێت، زۆربەی خەڵک بیر لە مەترسییەکانی تیشکدان و نەبوونی ئۆکسجین دەکەنەوە، بەڵام ڕاستییەکی زانستی سەرسوڕهێنەر هەیە کە پێی دەوترێت "خاوبوونەوەی کات" (Time Dilation)، بەپێی تیۆرییەکانی ئەنیشتاین، کات شتێکی جێگیر نییە و پەیوەندی بە خێرایی و کێشکردنەوە هەیە، ئەمەش بەو مانایەیە کە تەمەنی مرۆڤ لە بۆشایی ئاسماندا وەک سەر زەوی تێپەڕ نابێت.
تیۆری ڕێژەیی و کات ئەلبێرت ئەنیشتاین لە تیۆری ڕێژەیی تایبەتدا سەلماندی کە هەرچەندە مرۆڤ خێراتر بڕوات، کات بۆی خاوتر دەبێتەوە، کەشتیوانەکان کە لە وێستگەی بۆشایی نێودەوڵەتیدا (ISS) دەژین، بە خێرایییەکی زۆر (نزیکەی 28 هەزار کیلۆمەتر لە کاتژمێرێکدا) بە دەوری زەویدا دەسووڕێنەوە، ئەم خێرایییە وا دەکات کات بۆ ئەوان کەمێک خاوتر بڕوات بە بەراورد بەو کەسانەی لەسەر زەوین.
تاقیکردنەوەی دووانەکان (The Twin Paradox) بۆ سەلماندنی ئەم دیاردەیە، ناسا تاقیکردنەوەیەکی لەسەر دوو برای دووانە ئەنجامدا (سکۆت و مارک کێڵی)، سکۆت کێڵی بۆ ماوەی ساڵێک لە بۆشایی ئاسمان مایەوە، لە کاتێکدا براکەی لەسەر زەوی بوو، دوای گەڕانەوەی، دەرکەوت کە سکۆت بە بڕی چەند میلی چرکەیەک لە براکەی گەنجتر ماوەتەوە، هەرچەندە ئەم جیاوازییە زۆر کەمە، بەڵام بنەمایەکی فیزیایی گرنگ دەسەلمێنێت.
کێشکردن و کات جگە لە خێرایی، "کێشکردن"یش کار لە کات دەکات، بەپێی ڕێژەیی گشتی، کات لەو شوێنانەی کێشکردنیان بەهێزە (وەک سەر زەوی) خاوتر دەڕوات و لەو شوێنانەی کێشکردن کەمە (وەک بۆشایی ئاسمان) خێراتر دەڕوات، لێرەدا ململانێیەک لە نێوان "خێرایی" و "کێشکردن" دروست دەبێت، لە وێستگەی بۆشایی ئاسماندا کاریگەری خێراییەکە زیاترە، بۆیە کەشتیوانەکان کەمێک گەنجتر دەمێننەوە.
کاریگەرییە بایۆلۆژییەکان لەسەر تەمەن جگە لە فیزیای کات، بۆشایی ئاسمان بە شێوەیەکی بایۆلۆژیش کار لە تەمەن دەکات:
تێلۆمێرەکان: زاناکان تێبینییان کردووە کە "تێلۆمێر" (کۆتایی کرۆمۆسۆمەکان کە نیشانەی پیرییە) لە بۆشایی ئاسماندا درێژ دەبنەوە، بەڵام دوای گەڕانەوە بۆ سەر زەوی خێرا کورت دەبنەوە.
فشاری جەستەیی: نەبوونی کێشکردن دەبێتە هۆی لاوازبوونی ماسولکەکان و ئێسکەکان، کە ئەمە وەک جۆرێک لە "پیریی خێرا" لە جەستەدا دەردەکەوێت. سەرچاوە پشتگیرەکان: NASA (2019). The Twins Study: Results and Implications .
Einstein, A. (1915). The General Theory of Relativity.
Nature Journal. Genomic impact of long-term spaceflight on the human body.
Hawking, S. A Brief History of Time: From the Big Bang to Black Holes.

کاریگەری بۆشایی ئاسمان لەسەر تەمەنی کەشتیوانە ئاسمانییەکان

دامەزراوەی میدیایی قەڵەم "کتێبخانەی قەڵەم" وەک دەروازەیەکی نوێی مەعریفە دەکاتەوە.
وەک هەنگاوێکی نوێ بۆ دەوڵەمەندکردنی کایەی ڕۆشنبیری و بونیادنانی پردێکی پەیوەندی لە نێوان خوێنەر و ئەدەب و زانستی جیهانی، دامەزراوەی میدیایی قەڵەم بە فەرمی بەشی "کتێبخانەی قەڵەم"ی ڕاگەیاند. 
ماڵپەڕی قەڵەم کە هەمیشە وەک "کۆکەرەوەی زمانەکان و دەروازەیەک بۆ مەعریفەی جیهانی" کار دەکات، لە ڕێگەی ئەم بەشە نوێیەوە هەوڵ دەدات سەرچاوە زانستی و ئەدەبییەکان بخاتە بەردەستی خوێنەران. کتێبخانەکە بە چوار زمانی سەرەکی کتێب و سەرچاوەکان دەخاتە ڕوو، لە بەشی کتێب لە ماڵپەڕی قەڵەم، کە بریتین لە:-
 • کوردی
 • عەرەبی
 • ئینگلیزی
 • فارسی 
ئەم هەنگاوەی دامەزراوەکەمان لە چوارچێوەی پەرەپێدانی پلاتفۆرمەکانماندایە بۆ ئەوەی ببینە سەرچاوەیەکی جێگەی بڕوای توێژەران و خوێنەران، تا بتوانن بە زمانە جیاوازەکان دەستیان بە نوێترین و گرنگترین بەرهەمە فکری و مەعریفییەکانی جیهان بگات.

"کتێبخانەی قەڵەم" وەک دەروازەیەکی نوێی مەعریفە دەکرێتەوە

بەرەبەیانی ئەمڕۆ 98مین ئاهەنگی دابەشکردنی خەڵاتەکانی ئۆسکار لە هۆڵی Dolby Theatre لە لۆس ئەنجلس بەڕێوەچوو، ئەمساڵ کێبڕکێیەکی توند لەنێوان فیلمەکاندا هەبوو، بەتایبەت فیلمی One Battle After Another کە توانی زۆرترین خەڵاتە سەرەکییەکان بۆ خۆی بباتەوە.
ئەمساڵ پێشکەشکاری ناسراوی کۆمێدی Conan O'Brien ئەرکی پێشکەشکردنی ئاهەنگەکەی لە ئەستۆ بوو، کە بە شێوازێکی سەرنجڕاکێش ئاهەنگەکەی بەڕێوەبرد، فیلمی One Battle After Another وەک سەرکەوتووی گەورەی ئەمساڵ دەستنیشان کرا، دوای ئەوەی توانی شەش خەڵاتی جیاواز بەدەستبهێنێت کە گرنگترینیان باشترین فیلم و باشترین دەرهێنەر بوون.
هەروەها فیلمی Sinners کە بە شانزە کاندیدکردن ژمارەیەکی پێوانەیی تۆمار کردبوو، توانی چوار خەڵات بباتەوە، یەکێک لە دەستکەوتە مێژووییەکانی ئەمساڵیش بردنەوەی خەڵاتی باشترین سینەماتۆگرافەر بوو لەلایەن Autumn Durald Arkapaw، کە بووە یەکەم ژن لە مێژوودا ئەم خەڵاتە بباتەوە.
لیستی براوە سەرەکییەکانی خەڵاتەکانی ئۆسکاری ساڵی 2026:
باشترین فیلم: One Battle After Another
باشترین دەرهێنەر: Paul Thomas Anderson بۆ فیلمی One Battle After Another
باشترین ئەکتەری پیاو: Michael B. Jordan بۆ ڕۆڵەکەی لە فیلمی Sinners
باشترین ئەکتەری ژن: Jessie Buckley بۆ ڕۆڵەکەی لە فیلمی Hamnet
باشترین ئەکتەری یاریدەدەری پیاو: Sean Penn بۆ فیلمی One Battle After Another
باشترین ئەکتەری یاریدەدەری ژن: Amy Madigan بۆ فیلمی Weapons
باشترین سیناریۆی ڕەسەن: Ryan Coogler بۆ فیلمی Sinners
باشترین سیناریۆی وەرگیراو: Paul Thomas Anderson بۆ فیلمی One Battle After Another
باشترین فیلمی ئەنیمەیشن: KPop Demon Hunters
باشترین فیلمی نێودەوڵەتی: Sentimental Value لە وڵاتی نەرویجەوە

براوەکانی خەڵاتی ئۆسکاری ساڵی 2026 دیاری کران

بۆ چەندین دەیەیە تەنها لە ناو فیلمە خەیاڵییەکاندا دەمانبینی کە مرۆڤ بتوانێت بە مێشک کۆنتڕۆڵی کۆمپیوتەر بکات، بەڵام کۆمپانیای نیورالینک (Neuralink) کە لە لایەن ئیلۆن مەسکەوە دامەزراوە، خەریکە ئەم خەیاڵە دەگۆڕێت بۆ ڕاستییەکی زانستی، ئەم تەکنەلۆژیایە دەیەوێت پردێک لە نێوان دەمارەکانی مێشک و جیهانی دیجیتاڵیدا دروست بکات. 
نیورالینک چییە و چۆن کار دەکات؟ نیورالینک ئامێرێکی بچووکە کە قەبارەکەی لە قەبارەی دراوێکی کانزایی دەچێت و لە ڕێگەی نەشتەرگەرییەکی وردەوە لە ناو کاسەی سەردا جێگیر دەکرێت، ئەم ئامێرە هەزاران وایەری زۆر باریکی پێوەیە کە لە تاڵە مووی مرۆڤ باریکترن و دەبەسترێنەوە بە دەمارەخانەکانی مێشکەوە، ئەرکی ئەم وایەرانە خوێندنەوەی ئاماژە کارەباییەکانی مێشک و وەرگێڕانیانە بۆ سەر زمانێکی دیجیتاڵی کە کۆمپیوتەر لێی تێبگات. 
لە قۆناغی ئێستادا، ئامانجی سەرەکی نیورالینک یارمەتیدانی ئەو کەسانەیە کە کێشەی دەمارییان هەیە یان ئیفلیج بوون، لە ڕێگەی ئەم چیپەوە، کەسێکی ئیفلیج دەتوانێت تەنها بە "بیرکردنەوە" ماوسی کۆمپیوتەر بجوڵێنێت، نامە بنووسێت، یان مۆبایلەکەی بەکاربهێنیت، یەکەم تاقیکردنەوەی مرۆیی کە لە ساڵی 2024دا ئەنجامدرا، نیشانی دا کە نەخۆشێک توانیویەتی بە سەرکەوتوویی یاری شەترەنج لەسەر کۆمپیوتەر بکات تەنها بە بەکارهێنانی مێشکی. 
ئیلۆن مەسک تەنها چاوی لە چارەسەری نەخۆشی نییە، بەڵکو دەخوازێت مرۆڤ بگەیەنێتە ئاستێکی باڵاتر (Superhuman)، ئەو پێی وایە بۆ ئەوەی مرۆڤ لە بەرامبەر زیرەکی دەستکرددا (AI) شکست نەهێنێت، دەبێت مێشکی خۆی بە ئینتەرنێتەوە ببەستێتەوە.
سەرچاوە پشتگیرەکان:

Nature Journal of Biomedical Engineering
MIT Technology Review 
Neuralink Official Website

چیپەکەی ئیلۆن مەسک چۆن جیهان دەگۆڕێت؟

حەمید هیراد گۆرانیبێژ و ئاوازدانەری بەناوبانگی ئێرانی، بەهۆی نەخۆشی شێرپەنجەوە کۆچی دوایی کرد.
حەمید حوسێن زادە، ناسراو بە "حەمید هیراد"، لە 1ـی شوباتی 1991 لە گوندێکی سەر بە پارێزگای گێڵان لە باکووری ئێران لەدایکبووە, حەمید لە تەمەنی منداڵییەوە خولیای مۆسیقای هەبووە و لە تەمەنی 15 ساڵییەوە دەستی بە فێربوونی مۆسیقا و نووسینی شیعر کردووە. 
لە ساڵی 2020ـدا حەمید هیراد توشی نەخۆشی شێرپەنجەی خوێن بوو، سەرەڕای سەختی نەخۆشییەکەی و وەرگرتنی چارەسەری کیمیایی، هیراد دەستی لە هونەر هەڵنەگرت و بەردەوام بوو لە بڵاوکردنەوەی گۆرانی و ئەنجامدانی کۆنسێرتەکانی.
دواجار، حەمید هیراد ئەمڕۆ پاش ململانێیەکی زۆر لەگەڵ نەخۆشییەکەی لە تەمەنی 34 ساڵیدا کۆچی دوایی کرد.

حەمید هیراد کۆچی دوایی کرد

ئایا تا ئێستا هەستت کردووە کە بۆ چەند خولەکێک مۆبایلەکەت بەکاردەهێنیت، بەڵام کاتێک بەئاگا دێیتەوە دەبینیت دوو کاتژمێرت لە ناو تیکتۆک یان ئینستاگرام بەسەر بردووە؟ ئەمە تەنها ڕێکەوت نییە، بەڵکو ئەنجامی سیستمێکی ئاڵۆزی دەروونییە کە پێی دەگوترێت تەڵەی دۆپامین.
دۆپامین چییە؟ دۆپامین ماددەیەکی کیمیاییە لە ناو مێشکدا کە بەرپرسە لە هەستی پاداشت و خۆشی، کاتێک خواردنێکی خۆش دەخۆیت یان کارێکی سەرکەوتوو دەکەیت، مێشک ئەم ماددەیە دەردەدات و هەست بە دڵخۆشی دەکەیت.
چۆن گیرۆدە دەبین؟ هەر (لایک)ێـک، کۆمێنتێک، یان ئاگادرییەک کە بۆت دێت، بڕێکی کەم لە دۆپامین لە مێشکتدا دەردەدات، مێشک ئاڵوودەی ئەم هەستە کورت و خێرایانە دەبێت، دیزاینی شاشەکان، ڕەنگە گەشەکان، بابەتی بێکۆتا (Infinite Scroll)، هەموویان بۆ ئەوە دروست کراون کە مێشک هەمیشە چاوەڕێی پاداشتێکی تر بێت لە ڤیدیۆی داهاتوودا.
کاریگەرییە خراپەکان لەسەر ژیانی ڕۆژانە 1-کەمبوونەوەی تەرکیز: مێشک ڕادێت لەسەر وەرگرتنی زانیاری خێرا و کورت، ئەمەش وادەکات خوێندنەوەی کتێب یان کارکردن لەسەر پڕۆژەیەکی درێژخایەن زۆر قورس بێت. 2- تێکچوونی خەو: ئەو تیشکە شینەی لە مۆبایلەوە دەردەچێت، ڕێگری دەکات لە دەردانی هۆرمۆنی مێلاتۆنین، کە بەرپرسە لە خەوێکی ئارام. 3- بەراوردکاری کۆمەڵایەتی: بینینی ژیانی کەسانی دیکە لە تۆڕە کۆمەڵایەتییەکانەوە، دەبێتە هۆی دروستبوونی هەستی خۆ بەکەم زانین و خەمۆکی لای بەکارهێنەر.
چۆن خۆمان لەم تەڵەیە ڕزگار بکەین؟ پێویست ناکات تەکنەلۆژیا بە تەواوی ڕەت بکەیتەوە، بەڵکو دەتوانیت ئەم هەنگاوانە جێبەجی بکەیت:
-نۆتیفیکەیشنی ئەپڵیکەیشنە ناپێویستەکان بکوژێنەرەوە.
-کاتێکی دیاریکراو دانێ بۆ بەکارهێنانی مۆبایل (بۆ نموونە ڕۆژانە یەک کاتژمێر).
-مۆبایل مەبەرە ژووری خەوتنەکەت.
-پەیڕەوی (ڕۆژووی دۆپامین) بکە؛ واتە ڕۆژێک لە هەفتەیەکدا بە تەواوی لە ئامێرە ئەلیکترۆنییەکان دوور بکەوەرەوە تا مێشک بگەڕێتەوە دۆخی سروشتی خۆی. سەرچاوە پشتگیرەکان: 1-کۆمەڵەی دەروونناسی ئەمریکی (American Psychological Association)
2-پەیمانگای پزیشکیی هارڤارد (Harvard Medical School)
3-سەنتەری تەکنەلۆژیای مرۆیی (Center for Humane Technology)

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

جۆراوجۆر