وه‌زیری ده‌ره‌وه‌ی ئێران، هێرشی ئۆكرانیای بۆ سه‌ر كه‌شتییه‌كی بازرگانی ئێرانی له‌ ده‌ریای خه‌زه‌ر سه‌ركۆنه‌ كرد و داوایكرد، لێپرسینه‌وه‌ی توند له‌ ئه‌نجامده‌رانی ئه‌م كرده‌وه‌ تاوانكارییه‌ و بكرێت.

ئەمڕۆ یەکشەممە 26ـی تەمووزی 2026، عه‌باس عێراقچی له‌ په‌یوه‌ندییه‌كی ته‌له‌فۆنیدا له‌گه‌ڵ كایا كاڵاس كۆمیساری سیاسه‌تی ده‌ره‌وه‌ی یه‌كێتی ئه‌وروپا، داوای وه‌ڵامێكی یه‌كلاكه‌ره‌وه‌ی ئه‌نجومه‌نی ئاسایشی نه‌ته‌وه‌ یه‌كگرتووه‌كان، یه‌كێتی ئه‌وروپا و كۆمه‌ڵگه‌ی نێوده‌وڵه‌تی كرد بۆ لێپرسینه‌وه‌ له‌ ئه‌نجامده‌رانی ئه‌م كرده‌وه‌ تاوانكارییه‌.

ئاژانسی هه‌واڵی فارس نیوز رایگەیاند، عێراقچی و كایا كاڵاس جه‌ختیان له‌سه‌ر پێویستی ده‌ستپێشخه‌ری دیپلۆماسی بۆ به‌ڕێوه‌بردنی گرژییه‌كان كرده‌وه‌ و ئاماژه‌یان به‌ پێشهاته‌كانی كه‌نداو و گه‌روی هورمز كرد له‌ دوای وه‌ڵامدانه‌وه‌ی هێزه‌كانی ئێران بۆ ده‌ستدرێژیه‌كانی ئه‌مریكا بۆ سه‌ر ئێران.

هاوکات‌، وه‌زاره‌تی ده‌ره‌وه‌ی ئێران هێرشی سه‌ربازی ئۆكرانیای بۆ سه‌ر كه‌شتییه‌كی بازرگانی ئێرانی له‌ ده‌ریای خه‌زه‌ر سه‌ركۆنه‌ كرد و ئه‌وه‌شی خسته‌ڕوو، ئێران به‌ پێی بنه‌ما و ڕێسا بنه‌ڕه‌تییه‌كانی یاسا نێوده‌وڵه‌تییه‌كان و به‌ تایبه‌تی بنه‌مای به‌رگریكردن له‌ خۆی، درێغی ناكات و به‌رپرسیارێتی لێكه‌وته‌كانی سه‌رگه‌رمیه‌كانی ئۆكرانیا ده‌كه‌وێته‌ ئه‌ستۆی ڕژێمی ئۆكرانیا و لایه‌نگرانی و هانده‌رانیز

ئه‌مه‌ش له‌كاتێكدایه‌ پێشتر ڤۆڵۆدمیر زلێنسكی، سه‌رۆكی ئۆكرانیا ڕایگه‌یاندبوو، ئۆكرانیا ئه‌و كه‌شتیانه‌ی له‌ ده‌ریای خه‌زه‌ردا كردووه‌ته‌ ئامانج كه‌ به‌ وته‌ی خۆی باری سه‌ربازییان پێیه‌ و په‌یوه‌ندییان به‌ ئێرانه‌وه‌ هه‌یه‌، هه‌روه‌ها كه‌شتییه‌كی جه‌نگیشمان كرده‌ ئامانج.

ئیسرائیل دەیەوێت ئەوروپاش بێنێتە ناو جەنگەکەوە

سەرۆكی ئەمریكا ڕایگەیاند، ئەو گەمارۆ دەریاییەی خستوومانەتە سەر ئێران، گەمارۆیەکی زۆر توندە.
ئەمڕۆ سێشەممە دۆناڵد ترەمپ، سەرۆکی ئەمریکا لە کۆشکی سپی پێشوازی لە جۆزێف عەون، سەرۆکی لوبنان کرد و ڕایگەیاند، لە داهاتوویەکی زۆر نزیکدا هێرش دەکەینە سەر ناوچەی “جەبەل ئەلفەئس” لە ئێران.
ئاماژەی بەوەشکرد، ئەو دۆخەی لە گەرووی هورمزدا دەگوزەرێت، هیچ کاریگەرییەکی لەسەر هەڵبژاردنەکانی نیوەی خول لە ئەمریکا نابێت و ئەو گەمارۆ دەریاییەی خستوومانەتە سەر ئێران، گەمارۆیەکی زۆر توندە.
وتیشی، “سەرۆکی سووریا ئارەزوو دەکات کارێک بەرامبەر حــیزبــوڵـڵا بکات، پێموایە لەو کارەیدا کاریگەر و سەرکەوتوو دەبێت”.
ڕاشیگەیاند، ئەو کەسانەی سەرکردایەتی ئێران دەکەن، کۆمەڵێک کەسی شەڕانگێزن و ئێران بە شێوەیەکی زۆر توند ئارەزووی ئەنجامدانی دیدار و چاوپێکەوتن دەکات.
دەشڵێت، ئەگەر سەرۆکی لوبنان داوام لێ بکات، ئامادەم گفتوگۆ لەگەڵ حــیزبــوڵــڵاشدا بکەم.
هاوکات، بە وتەی ترەمپ، “تاوتوێی ئەوە دەکەین کە سوپای لوبنان کۆنترۆڵی ئەو گوندانە بکات کە حــیزبــوڵـڵا لێیان کشاوەتەوە و ئەمڕۆ لەگەڵ سەرۆکی لوبنان، رێگەکانی پشتگیریکردن و هاوکاریکردنی لوبنان تاوتوێ دەکەین و ئێمە هاوکارییەکی زۆر پێشکەش بە لوبنان دەکەین و لوبنان بۆ ماوەی چەندین دەیە زیانی زۆری پێگەیشتووە”.

ئێران ئارەزووی ئەنجامدانی دیدار و چاوپێکەوتن دەکات

ئاژانسی هەواڵی فارس رایگەیاند، هێزە چەکدارەکانی ئێران کۆنترۆڵی تەواوەتی گەرووی هورمزیان بەدەستەوە گرتووە.

بەپێی ئەم سەرچاوەیە، دۆخی ئێستای گەرووەکە و قەدەغەکردنی تێپەڕبوونی کەشتییەکان بەو رێڕەوە ئاوییە ستراتیژییەدا، وەک خۆی دەمێنێتەوە.
جەختی لەوەشکردەوە، بەردەوامبوونی ئەم دۆخە پەیوەستە بە هەڵسوکەوتی ئەمریکاوە
و تا ئەو کاتەی ئەمریکا لە سیاسەتە دوژمنکارییەکان و هەڕەشەکانی بەردەوام بێت، رێگە بە تێپەڕبوونی هیچ کەشتییەک نادرێت.
دەشڵێت، هەر بڕیارێک بۆ کردنەوە یان کۆنترۆڵکردنی زیاتری ئەم ناوچەیە تەنها لەسەر بنەمای بەرژەوەندییە نیشتمانییەکان و پاراستنی ئاسایشی ئێران دەبێت. هەروەها بەرپرسیارێتی هەر تێکچوونێکی ئاسایشی دەریایی خرایە ئەستۆی ئەو لایەنانەی کە بە سیاسەتی گێچەڵکردن، ئاسایشی ناوچەکەیان خستووەتە مەترسییەوە.

گەرووی هورمز لەژێر کۆنترۆڵی هێزەکانماندایە

فەرماندەی پۆلیسی کەرکوک: لە بازگەی چیمەن لەسەر ڕێگەی کەرکووک - سلێمانی دەست بەسەر 10 ملیار دیناردا گیرا کە بە نایاسایی بەرەو سلێمانی دەبرا.

ئەمڕۆ یەکشەممە 19ـی تەمووزی 2026، فەتاح مەحمود خەفاجی، فەرماندەی پۆلیسی کەرکوک رایگەیاند، مەفرەزەکانی بەڕێوەبەرایەتیی نەهێشتنی تاوان توانیویانە لە بازگەی چیمەن لەسەر ڕێگەی کەرکووک - سلێمانی، دەست بەسەر بڕی 10 ملیار دیناردا بگرن.
ئاماژەی بەوەشکرد، دوای وردبینیکردنی بەڵگەنامەکانی گواستنەوەی پارەکە، دەرکەوتووە کە پارەکە ڕێپێدانی فەرمیی هەبووە تەنها بۆ ئەوەی لە بەغداوە بۆ ناو شاری کەرکوک بگوازرێتەوە، بەڵام هەوڵدراوە بە نایاسایی ئاراستەکەی بگۆڕدرێت بەرەو پارێزگای سلێمانی.
دەشڵێت، بەهۆی سەرپێچیکردن لە ڕێنماییەکان و گۆڕینی ئاراستەی گواستنەوەی پارەکە، دەستبەجێ لەلایەن هێزە ئەمنییەکانەوە دەست بەسەر بڕە پارەکەدا گیراوە بۆ گرتنەبەری ڕێکارە یاساییەکان.

لە بازگەی چیمەن دەستبەسەر ١٠ ملیار دیناردا گیرا

ئەمڕۆ پارەی مووچەی مووچەخۆرانی هەرێم لەلایەن وەزارەتی دارایی عێراقەوە، كە زیاتر لە 841 ملیار دینار بوو بە لێبڕینی 120 ملیارەكە خەرج كرا و سبەینێ‌ پشووە و بڕیارە دوو سبەی دەست بە دابەشكردنی بكرێت.
وەزارەتی دارایی و ئابووریی هەرێمی کوردستان بڵاویكردەوە، رۆژی چوار شەممە دەست بە دابەشکرنی مووچەی فەرمانبەرانی بۆ مانگی 6 دەکات و لە ماوەی سێ رۆژدا مووچەی سەرجەم مووچەخۆران دابەش دەکرێت.
دەشڵێت، بەهۆی ئەوەی گەیشتنی تەمویلی مووچە کەوتە کۆتایی دەوامی فەرمی، نەتوانرا پارەکە بەشێوەی کاش لەلقی هەولێری بانکی ناوەندی عێراق وەربگیرێت.
ئاماژەی بەوەشکرد، هەرچەندە سبەی سێ شەممە پشوی فەرمییە لە عێراق و هەرێمی کوردستان، بەڵام سبەی دەست بەڕێکارەکانی وەرگرتنی پارە و گواستنەوەی بۆ بانکەکان و پارێزگاکان و ئیدارە سەربەخۆکان دەکات و سەرجەم بانک و گەنجینەکان لە ئامادەکاری تەواودا دەبن بۆ ئەوەی لە ڕۆژی چوار شەممە کاتژمێر (8)ی بەیانی دەست بەدابەشکردنی مووچە بکەن.

 خشتەی مووچەی مانگی شەش راگەیەندرا

نووسینگەی پارێزگاری دیالە رایگەیاند، بڕیاردرا بە کەمکردنەوەی یەک کاتژمێر لە دەوامی فەرمی رۆژانەی سەرجەم فەرمانگە حکومییەکان.
ئەمڕۆ دووشەممە، 6-7-2026، نووسینگەی عەدنان محەممەد، پارێزگاری دیالە، لە راگەیەندراوێکدا رایگەیاند، بڕیاردراوە بە کەمکردنەوەی یەک کاتژمێر لە دەوامی فەرمی رۆژانەی سەرجەم فەرمانگە حکومییەکانی سەر بە پارێزگاکە.
ئاماژەی بەوەشکرد، کەمکردنەوەکەش لە کۆتایی کاتی دەوامدا دەبێت و بڕیارەکەش بە درێژایی هەردوو مانگی تەممووز (حەوت) و ئاب (هەشت) بەردەوام دەبێت، کە ناوچەکە رووبەڕووی شەپۆلی توندی گەرما دەبێتەوە.
هەر بەپێی راگەیەندراوەکە، ئەم بڕیارەی ئیدارەی پارێزگای دیالە، خانەقین و تەواوی ناوچە کوردستانییەکانی دیکەی دەرەوەی ئیدارەی هەرێم دەگرێتەوە کە لە رووی کارگێڕییەوە سەر بە پارێزگای دیالەن، و فەرمانبەرانی ئەو ناوچانەش هاوشێوەی سەنتەری پارێزگاکە کاتی دەوامیان بۆ کەم دەکرێتەوە.

 کاتی دەوامی فەرمانگەکان کەمکرایەوە

کەشناسی هەرێم رایگەیاند، ئاسمان ساماڵ دەبێت لەگەڵ دروستبوونی هەندێک پەڵە هەور، هەروەها ئەگەری بارینی نمەبارانێکی کەم هەیە.
بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ ئاسمان ساماڵ دەبێت لەگەڵ دروستبوونی هەندێک پەڵە هەور لە هەندێک کاتدا، لە کاتەکانی شەودا ئەگەری بارینی نمەبارانێکی کەم هەیە بە تایبەتی لە ناوچە شاخاوییە سنوورییەکانی ئیدارەی سەربەخۆی سۆران و سنووری پارێزگای دهۆك و زاخۆ.
ئاماژەی بەوەشکرد، پلەکانی گەرما نزم دەبنەوە بە (2- 3) پلە بەراورد بە تۆمارکراوەکانی دوێنێ.
دەربارەی کەشوهەوای سبەینێش رایگەیاند، ئاسمان ساماڵ دەبێت لەگەڵ دروستبوونی هەندێک پەڵە هەور لە کات و شوێنی جیا جیادا.
بەرزترین پلەکانی گەرمای پێشبینیکراو بۆ ئەمڕۆ:-
هەولێر : 40 پلەی سیلیزی
سلێمانی : 39 پلەی سیلیزی
دهۆک : 40 پلەی سیلیزی
هەڵەبجە : 41 پلەی سیلیزی
چەمچەماڵ : 40 پلەی سیلیزی
زاخۆ : 40 پلەی سیلیزی 
ئاکرێ : 40 پلەی سیلیزی
پیرمام: 35 پلەی سیلیزی
حاجی ئۆمەران : 32 پلەی سیلیزی
گەرمیان : 42 پلەی سیلیزی

کەشناسی: نمەباران دەبارێت

هاتووچۆی هەولێر رایگەیاند، شەقامێکی سەرەکیی تا کاتژمێر 6ــی ئێوارە بە مەبەستی نۆژەنکردنەوە بە تەواوی دادەخرێت.
بەڕێوەبەرایەتی هاتووچۆی هەولێر لە بڵاوکراوەیەکدا رایگەیاند، تا کاتژمێر 6ــی ئێوارەی ئەمڕۆ، ئاڕاستەی دەرەوەی شەقامی 120 مەتری لە یەکتربڕی شەقامی گەزنە و بەرزە پردی عەنکاوەوە تا بەرامبەر فڕۆکەخانەی هەولێر بە مەبەستی نۆژەنکردنەوە بە تەواوی دادەخرێت.
داواش لەو شۆفیرانە دەکات کە لە شەقامی 120 مەترییەوە بە ئاڕاستەی فڕۆکەخانە دێن، لە شەقامی ژێر بەرزەپردی عەنکاوەوە و یەکتربڕی شەقامی گەزنەوە ئاڕاستەیان بگۆڕن بەرەو شەقامی 100 مەتری ناو شار و لە شەقامی رەشکینەوە بێنەوە سەر شەقامی 120 مەتری، تا ئەو کاتەی کارەکانی نۆژەنکردنەوە کۆتاییان دێت.

شەقامێکی سەرەکی دادەخرێت

کەشناسی هەرێم رایگەیاند، ئاسمان ساماڵ دەبێت لەگەڵ بوونی تۆز و خۆڵێکی سووک. 
بەڕێوەبەرایەتی کەشناسی و بوومەلەرزەزانی هەرێم لە راگەیەندراوێکدا بڵاویکردەوە، ئەمڕۆ ئاسمان ساماڵ دەبێت لەگەڵ بوونی تۆز و خۆڵێکی سووک، هەروەها پلەکانی گەرما نزیک دەبنەوە لە تۆمارکراوەکانی دوێنێ.
دەربارەی کەشوهەوای سبەینێش رایگەیاند، ئاسمان ساماڵ دەبێت و پلەکانی گەرما کەمێک بەرز دەبنەوە بە (1 – 2) پلە بەراورد بە پلەکانی ئەمڕۆ.

بەرزترین پلەی گەرمای پێشبینیکراو بۆ ئەمڕۆ:-
هەولێر : 41 پلەی سیلیزی 
پیرمام : 37 پلەی سیلیزی
سلێمانی : 38 پلەی سیلیزی
چەمچەماڵ : 40 پلەی سیلیزی
دهۆک : 40 پلەی سیلیزی
زاخۆ : 40 پلەی سیلیزی 
هەڵەبجە : 40 پلەی سیلیزی
سۆران : 39 پلەی سیلیزی
حاج ئۆمەران : 26 پلەی سیلیزی 
گەرمیان : 42 پلەی سیلیزی

کەشناسی: شەپۆلێکی خۆڵبارین روو لە هەرێم دەکات

کەشناسی هەرێم رایگەیاند، ئاسمان ساماڵ دەبێت لەگەڵ بوونی هەندێک پەڵە هەور لە ناوچە جیاوازەکانی هەرێم.
بەڕێوەبەرایەتی کەشناسی و بوومەلەرزەزانی هەرێم لە راگەیەندراوێکدا بڵاویکردەوە، ئەمڕۆ ئاسمان ساماڵ دەبێت لەگەڵ بوونی هەندێک پەڵە هەور و پلەکانی گەرماش نزیک دەبێتەوە لە تۆمارکراوەکانی دوێنێ.
دەربارەی کەشوهەوای سبەینێش رایگەیاند، ئاسمان ساماڵ دەبێت لەگەڵ بوونی هەندێک پەڵە هەور بە تایبەتی لە ناوچە شاخاوییەکان.
بەرزترین پلەی گەرمای پێشبینیکراو بۆ ئەمڕۆ:-
هەولێر : 41 پلەی سیلیزی
سلێمانی : 38 پلەی سیلیزی
دهۆک : 39 پلەی سیلیزی
هەڵەبجە : 41 پلەی سیلیزی
چەمچەماڵ : 39 پلەی سیلیزی
زاخۆ : 40 پلەی سیلیزی 
ئاکرێ : 40 پلەی سیلیزی
پیرمام : 36 پلەی سیلیزی
حاجی ئۆمەران : 28 پلەی سیلیزی
گەرمیان : 42 پلەی سیلیزی

کەشناسی: ئاسمان پەڵە هەور دەبێت

ئەنجوومەنی کۆلێجی زانستە ئیسلامییەکان، لەبارەی کەیسەکەی عەبدوللـەتیف ئەحمەد هاتە دەنگ و راگەیەندراوێکی بڵاوکردەوە.

دەقی راگەیەندراوەکە:

بەناوی خوای بەخشندەی میهرەبان

پەیامێک لە ئەنجوومەنی کۆلێجی زانستە ئیسلامییەکانەوە بۆ جەماوەری موسڵمانی کوردستان.
جەماوەری موسڵمان و بەشەرەفی کوردستان، لە پاش بڵاوبوونەوەی هەندێک تۆماری دەنگی، کە دراوەتە پاڵ مامۆستایەکی کۆلێجمان لە راگەیاندن و تۆڕە کۆمەڵایەتییەکان، بە پێویستی دەزانین ئەم روونکردنەوەیە رابگەیێنین بە موسلمانانی خەمخۆری دین و زانست و بەها رەوشتییە باڵاکانی میلـلەتەکەمان:
1- بەر لەوەی لیژنەی لێکۆڵینەوە پێکبهێندرێت لەو دۆسیەیە و دەست بە کاری لێکۆڵینەوە بکرێت، هەندێک خەڵک نابەرپرسانە لەبری لیژنە و دادگە و هەموو لایەنە یاساییە پەیوەندیدارەکان، پێشوەختە بڕیاری کۆتاییان لەسەر بابەتەکە دەرکردووە و لەو رێگەیەوە مافیان بە خۆیان داوە دوور لە هەموو بەها و ئادابێکی ئایینی و کۆمەڵایەتی و یاسایی، بکەونە سوکایەتیکردن و تۆمەت بەخشینەوە بەسەر تێکڕای مامۆستا و خوێندکارانی کۆلێجمان - کە هەمیشە لە خەمی پاراستنی رەوشتە بەرز و بەها بڵندە ئایینی و کولتوورییە رەسەنەکانی کوردایەتیی خۆیان و میلـلەتەکەیانن، بێ بیرکردنەوە لە گەورەیی و قێزەونیی ئەو بانگەشانەیان پەنجەی تۆمەت رادەکێشن بۆ تێکڕای مامۆستایان و خوێندکاران بەبێ جیاوازی.
2- مامۆستایانی زانکۆ بەگشتی و مامۆستایان و ئەندامانی دەستەی وانەبێژیی کۆلێجی زانستە ئیسلامییەکانی زانکۆی سلێمانی هۆشیارن و زۆر بە باشی ئەرک و بەرپرسیارێتیی شەرعی و یاسایی و زانستی و پەروەردەیی خۆیان دەزانن و بە پەرۆشی و لە روانگەی هەستکردنیان بەو بەرپرسیارێتییە گەورەیەی سەر شانیان، بە هیچ شێوەیەک ناکەونە ژێر کاریگەریی سۆز و عاتیفە و هەڵنان و ئاراستەکردنی هیچ کەس و لایەنێک یان پەیج و ئەکاونتێکی تۆڕە کۆمەڵایەتییەکان، پێش کارەکانی لیژنەی لێکۆڵینەوە ناکەون و لەبری لایەنە یاساییە بەرپرس و پەیوەندیدارەکان بڕیار دەرناکەن لەسەر ئەو دۆسیەیە و هیچ دۆسیەیەکی هاوشێوەی دیکە نە لەناو زانکۆ و نە لە دەرەوەی حەرەمی زانکۆ.
3- بەداخەوە لە هەندێک کەناڵی راگەیاندن و پەیج و ئەکاونت، بەیاننامەیەک بەناوی بەشێک لە مامۆستایانی کۆلێجمانەوە بڵاوکراوەتەوە، رایدەگەیێنین کە لەدوای بەدواداچوون دەرکەوت تاوەکو ئێستا هیچ مامۆستایەکی دیاریکراو خاوەندارێتیی خۆی بۆ ئەو بەیاننامەیە رانەگەیاندووە و گوزارشت لە را و بۆچوونی راستەقینەی تێکڕای مامۆستایان ناکات، کەواتە ئەگەر هەر مامۆستایەکیش تاک لایەنە ئەو کارەی کردبێت وەکو را و بۆچوونی خۆی، ئەوە خودی ئەو کارە کە بەبێ گەڕانەوە بۆ مامۆستا و هاوپیشەکانی ئەنجامی داوە، کارێکی هەڵە و نابەرپرسانەیە و دوورە لە کاری پیشەیی و یاسایی مامۆستای زانکۆ.
4- داواکارین لە لایەنی کارگێڕی و یاسایی بەرپرس و لیژنەی لێکۆڵینەوە، بە زووترین کات کاری جیددی دەستپێبکەن لەسەر دۆسیەکە و هەوڵ بدەن بۆ گەیشتن بە ئەنجامی راست و دروست و یەکلاکردنەوەی کەس و لایەنی تاوانبار یان بێ تاوان و گەڕانەوەی ماف بۆ خاوەن ماف. هەروەها کار بکەن بۆ پاراستنی شکۆی زانکۆ و کۆلێجی زانستە ئیسلامییەکان بەگشتی و پێگە و رێزی مامۆستایان و خوێندکاران بەتایبەتی، ئەویش بە گرتنەبەری رێکاری یاسایی و دادوەری بەرامبەر هەر کەس و لایەنێک کە سنوور دەبەزێنێت و تۆمەتی ناڕەوا هەڵدەبەستێت.
والسلام عليكم ورحمة الله
ئەنجوومەنی کۆلێجی زانستە ئیسلامییەکان

کۆلێجی زانستە ئیسلامییەکان لەبارەی کەیسەکەی عەبدوللەتیف ئەحمەدەوە هاتە دەنگ

کەشناسی هەرێم رایگەیاند، کەش بە گشتی ساماڵ و پەڵە هەور دەبێت و پلەکانی گەرما کەمێک بەرز دەبنەوە.
ئەمڕۆ یەکشەممە،21-6-2026، بەڕێوەبەرایەتی کەشناسی و بوومەلەرزەزانی هەرێم لە بڵاوکراوەیەکدا رایگەیاند، ئەمڕۆ کەش بە گشتی ساماڵ و پەڵە هەور دەبێت و پلەکانی گەرما کەمێک بەرز دەبنەوە.
دەربارەی کەشوهەوای سبەینێش رایگەیاند، ئاسمان ساماڵ دەبێت بە گشتی و پلەی گەرما کەمێک بەرز دەبێتەوە.
بەرزترین پلەی گەرمای پێشبینیکراو بۆ ئەمڕۆ:-
هەولێر : 40 پلەی سیلیزی 
پیرمام : 38 پلەی سیلیزی
سلێمانی : 38 پلەی سیلیزی
چەمچەماڵ : 41 پلەی سیلیزی
دهۆک : 39 پلەی سیلیزی
زاخۆ : 40 پلەی سیلیزی

سینەمای قەلەم

گەڕان بکە بۆ نوێترین فیلم و دراما جیهانیەکان لە سینەمای قەڵەم بە زمانی کوردی و بیانی

نوێترین