جوڵانەوەی نەوەی نوێ لەبارەی هێرشەکانی سەر رۆژئاوای کوردستان راگەیەندراوێکی بڵاوکردەوە.

دەقی راگەیەندراوەکە:

ئەو قەتڵ و عام و هێرشەی سەر ڕۆژئاوای کوردستان بە توندترین شێوە ئیدانە و سەرکۆنە دەکەین و لەم چرکەساتەدا پێویستە کۆمەڵگای نێودەوڵەتیی لەبری تەماشاکردن و بێدەنگبوون فریای هاوڵاتییانی کورد بکەوێت، هەر وەک چۆن کوردانی ڕۆژئاوای کوردستان لەکاتی باڵادەستی تیرۆریستانی داعشدا بە هانای مرۆڤایەتییەوە چوون.

ئەم قۆناغ و دۆخە مێژووییەی کە گەلەکەمانی پێدا تێپەڕ دەبێت، لە هەموو کات زیاتر زەرورەتی یەکگرتوویی و یەکدەنگیی کورد لە سەرانسەری جیهان دووپات دەکاتەوە.

جوڵانەوەی نەوەی نوێ

20-1-2026