١٨ کانونی دووەمی ٢٠٢٦
ئیدارەی خۆسەر لە راگەیەندراوێکدا داواکارییەک لە هاوڵاتییانی ناوچەکە دەکات و بە کچ و کوڕەکانیش دەڵێت: "چەک هەڵبگرن".
دەقی راگەیەندراوەکە:
گروپەكانی سەر بە حکومەتی کاتی دیمەشق لە بەرەبەیانی دوێنێوە رێککەوتنەکەیان پێشێلکردووە و لە چەندین بەرە هێرشیان کردووەتە سەر هێزەکانمان.
سەرەڕای هەموو هەوڵەکان بۆ دۆزینەوەی چارەسەری ئاشتیانە و نیشاندانی نیەتپاکی بە کشانەوە لە هەندێک ناوچە، دیمەشق پێداگری لەسەر درێژەدان بە شەڕ و پەیڕەوکردنی بژاردەی سەربازی دەکات.
داوا لە گەلەکەمان دەکەین لەوپەڕی ئامادەباشیدابن، بنەمای بەرگریکردن لەخۆیان بگرنەبەر، لەگەڵ هێزە سەربازییەکانیان بوەستن و شارەکانیان بپارێزن و بەشداری شەڕی بەرگریکردن لە کەرامەتی خۆیان بکەن.
ئامانج لەم هێرشانە، لێدانی ئەو برایەتییەیە کە بە خوێنی كوڕ و كچە گەنجەكانمان بونیادنراوە، بە ئامانجگرتنی پێکهاتە رەسەنەکانی سوریا، سەپاندنی یەک ئایدۆلۆژیایە بەسەر هەموو ئەوانی تردا.
لە دووڕیانێكی یەكلاكەرەوەداین یان بەرەنگاری دەبینەوە و بە شكۆوە دەژین، یان تووشی هەموو جۆرە نادادپەروەری و سوكایەتییەك دەبین.
داوا لە گەلەکەمان دەکەین شان بە شانی هێزەکانی سوریای دیموکرات و یەکینەکانی پاراستنی ژنان بوەستن.
داوا لە هەموو چین و توێژەکانی گەلەکەمان دەکەین، بە تایبەت كوڕان و كچان، چەك هەڵبگرن و خۆیان بۆ رووبەڕووبوونەوەی هەر هێرشێکی چاوەڕوانكراو لە ناوچەی جەزیرە و کۆبانی ئامادەبکەن.
پێویستە لەوە تێبگەین کە ئێمە لەبەردەم شەڕێکی وجودیداین، بۆ پاراستنی دەستکەوتەکانی شۆڕش و شوناسەکەمان، تەنیا یەک بژاردە هەیە، ئەویش بەرخۆدانی جەماوەرییە.
داوا لە گەلەکەمان دەکەین کە لە دەوری هێزەکانیان کۆببنەوە و بەیەکەوە بوەستن بۆ رووبەڕووبوونەوەی ئەم هێرشە دڕندانەیە، هەروەها هەموو لایەک لە ئامادەباشییەکی بەرزدابن.