٣٠ حوزەیرانی ٢٠٢٥
تەندروستیی سلێمانی، ڕێنمایی چۆنییەتی خۆپاراستن لەکاتی خۆڵبارینی بڵاوکردەوە.
ئەمڕۆ دووشەممە، خۆڵبارینێکی چڕ ئاسمانی شاری سلێمانی گرتووەتەوە و بەڕێوبەرایەتیی تەندروستیی سلێمانیش رێنمایی چۆنییەتی خۆپاراستن لەکاتی خۆڵبارین بڵاودەکاتەوە.
ڕێنماییەکانی بەڕێوبەرایەتی تەندروستیی سلێمانی بۆ هاوڵاتییان لەکاتی خۆڵبارین:
یەکەم: لەکاتی چوونەدەرەوەدا ماسک بەکاربهێنن و زوو زوو بیگۆڕە.
دووەم: لەکاتی خۆڵباریندا لەماڵەوە بمێنەرەوە و مەچۆرە دەرەوە.
سێیەم: چاویلکە و قەترەی چاو بەکاربهێنە بۆ پاراستنی چاوەکانت.
چوارەم: چاوەکانت بشۆ لەبری خوراندنی چاو.
پێنجەم: بەباشی دەرگا و پەنجەرەی ماڵەکەت دابخە.
شەشەم: لەکاتی خۆڵباریندا لە پلەی گەرمی بەرزدا برێکی باش ئاو بخۆرەوە.
حەوتەم: لەکاتی شۆفێریدا جامەکانی ئۆتۆمبێلەکەت دابخە.
هەشتەم: ئەوانەی نەخۆشیی ڕەبۆیان هەیە بەبەردەوامی پەمپی ئۆکسجین هەڵبگرن لەژێر ڕێنمایی پزیشکیدا چارەسەر وەربگرن.