ئەمرۆ هەینی 9-5-2025، کەشناسی هەرێم رایگەیاند، ئەمرۆ ئاسمان ساماڵ و پەڵەهەور بۆ نیمچەهەور دەبێت، پلەکانی گەرماش بە نزیکی دوو تا سێ پلە بەرزدەبنەوە بەراوورد بە تۆمارکراوەکانی دوێنێ.

ئەمڕۆ لە راگەیەندراوێکدا، کەشناسی هەرێم پێشبینی کەشوهەوای بڵاوکردەوە و رایگەیاند، "ئەمرۆ ئاسمان ساماڵ و نیمچەهەور دەبێت، پلەکانی گەرماش بەرزدەبنەوە"، کەشناسی عێراقیش رایگەیاند، "ئەگەری هەیە لە سبەینێوە باران و هەورەبروسکە لە ناوچەکانی هەرێمی کوردستان دەستپێبکات و پێشبینی خۆڵبارینیش دەکەن".

لە بارەی کەشی رۆژانی داهاتووشەوە کەشناسی عێراق دەڵێت، لە سبەینێوە بارانبارین لە ناوچە جیاوازەکانی هەرێمی کوردستان دەستپێدەکات و هەورەبروسکەشی لەگەڵ دەبێت.

ئەوەشی راگەیاند، بارانبارین بە شێوەیەکی پچڕپچڕ هەتاوەکو کۆتایی رۆژی دووشەممە بەردەوامدەبێت.

لە ئێستادا، کەرکوک و گەرمیان لە ریزبەندی ناوچەکانی هەرێمی کوردستان، بەرزترین پلەی گەرمییان هەیە.

پلەکانی گەرما لە ناوچەکانی هەرێمی کوردستان بەم شیوەیەن:

هەولێر : 35 پلەی سیلیزی

سلێمانی : 32 پلەی سیلیزی

دهۆک : 34 پلەی سیلیزی

کەرکوک : 36 پلەی سیلیزی

زاخۆ: 35 پلەی سیلیزی

هەڵەبجە : 34 پلەی سیلیزی

سۆران : 32 پلەی سیلیزی

حاجی ئۆمەران : 23 پلەی سیلیزی

گەرمیان : 38 پلەی سیلیزی