بەڕێوەبەرایەتیی گشتیی کەشناسیی و بومەلەرزەزانی هەرێم، راگەیەندراوێکی بڵاوکردەوە و تیایدا دەڵێت:"پێشبینی دەکرێت پلەکانی گەرما بەرز ببنەوە".

بەڕێوەبەرایەتیی کەشناسیی هەرێم کەشی 48 کاتژمێری داهاتووی بڵاوکردەوە و ڕایگەیاند، پێشبینی دەکرێت، کەشی ئەمڕۆ پێنجشەممە، 8-5-2025، ئاسمان ساماڵ و پەڵە هەور بێت، لە هەندێک ناوچەشدا نیمچە هەور دەبێت و پلەکانی گەرما 1 تا 3 پلە بەرز دەبنەوە.

هەر لە بڵاوکراوەکەدا ئەوەشی راگەیاند، کەشی سبەینێ هەینی 9-5-2025، ئاسمان لە نێوان پەڵە هەور و نیمچە هەور دەبێت، هەروەها مەوداى بینین 8-10کم دەبێت. پلەکانی گەرماش بەراورد بە ئەمڕۆ نزیکەی 2 تا 3 پلەی سیلیزی بەرز دەبنەوە.

بەرزترین پلەکانی گەرمای پێشبینیکراویش بەم شێوەیەن:

سلێمانی: 32 پلەی سیلیزی

هەولێر: 35 پلەی سیلیزی

دهۆک: 34 پلەی سیلیزی

کەرکوک: 36 پلەی سیلیزی

زاخۆ: 35 پلەی سیلیزی

هەڵەبجە: 34 پلەی سیلیزی

سۆران: 32 پلەی سیلیزی

حاجی ئۆمەران: 23 پلەی سیلیزی

گەرمیان: 38 پلەی سیلیزی